Activisme pedofile

L'activisme pedofile es un movement social e politic internacional que defend l'acceptacion sociala de la pedofilia e de las relacions sexualas consentidas entre adults e mendres, e que luta per aténher, amb aqueste objectiu, cambiaments socials e legislatius coma l'abolicion o la reforma de la majoritat sexuala, la reconeissença de la pedofilia coma una orientacion sexuala especifica e la siá eliminacion coma parafilia de las listas de malautiás e tròbles mentales de l'Organizacion Mondiala de la Salut (OMS), de l'Associacion Americana de Psiquiatria (AAP) e d'autras institucions oficialas.^[1][2][3]

Lo movement, centrat en un debat academic desmitificador, sorgiguèt als Païses Basses pendent lo decènni de 1950, a travèrs de l'activitat del psicològ Frits Bernard e del senador e jurista Edward Brongersma. Donèt lèu luòc a la creacion grand nombre d'associacions de defensa de la pedofilia dins fòrça païses.^[2] Dins lo contèxt de la revolucion sexuala dels ans setanta experimentèt una avançada transitòria cap als sieus objectius a Euròpa occidentala, principalament als Païses Basses, ont i a una importanta istòria de l'activisme pedofile, mas comencèt a declinar a comptar dels ans ochanta^[4] e sustot als ans nonanta.^[2]

L'activisme pedofile a suscitat una fòrta oposicion e lo sieu progrès social e politic es estat fòrça limitat. Uèi jorn, la majoritat de govèrns nacionales s'ajustan als protocòls de Nacions Unidas per definir las leis sus la majoritat sexuala. La convencion d'aqueste organisme sus la majoritat sexuala (1962)^[5] a fòrça de lei arreu de fòrça païses dempuèi 1990. Per la siá part, lo còrs medic es largament en desacòrdi amb las afirmacions dels activistas pedofiles sus la inocuitat de las relacions sexualas entre adults e enfants.^[6][7]

Definicion de pedofilia

La definicion de pedofilia es fondamentala per l'estudi e la compreneson de las reivindicacions dels activistas pedofiles, doncas que pòt variar segon lo país, l'idiòma e lo critèri utilizat.^[8]

Etimologicament, lo mot pedofilia es format dels vocables grècs παις-παιδος, 'mainat-gojat', e φιλία, 'amor'. Lo significat etimologic de pedofilia es, doncas, "amor als mainats".

La definicion medica oficiala es la del Classificacion Internacional de Malautiás de l'OMS,^[9] aital coma la de las divèrsas associacions psiquiatricas, entre elas l'AAP.^[10] Aquestas organizacions definisson la pedofilia coma una atraccion sexuala primària dels adults vèrs los enfants prepubescents o de pubertat primairenca e la considèran coma un tròble mental e de la conducha.^[9]

Los activistas pedofiles definisson la pedofilia coma una preferéncia sexuala pels enfants e, segon un significat extensiu, pels adolescents, basada en l'amor electiu per aquestes e comparable a quina orientacion sexuala que siá.^[11] Afirman tanben que los mainats e los adolescents pòdon desirar e consentir las relacions sexualas amb adults e fan una distincion taxativa entre pedofilia e abús sexual.

Principalas tèsis e reivindicacions

E mai se dins lo movement i a representadas un grand nombre d'opinions, de còps divergents, la majoritat dels activistas e simpatizants son d'acòrdi amb los seguents objectius:^[12]

• Transformacion de la percepcion sociala de la pedofilia.
• Distincion entre abús sexual e relacions consentidas.
• Reconeissença de la libertat sexuala dels mainats e adolescents.
• Reconeissença de la pedofilia coma orientacion sexuala.
• Eliminacion de la pedofilia coma parafilia de las listas oficialas de malautiás e tròbles mentales.
• Abolicion o reforma de la majoritat sexuala.
• Foment de l'investigacion objectiva sus la pedofilia e las interaccions adult-enfant.

Los activistas pedofiles afirman que los mainats e los adolescents pòdon desirar e consentir las relacions sexualas amb adults e qu'aquestas son pas perjudicialas ni traumatiques pels primièrs, au contra saludables e beneficioses se se desvolòpan dins de condicions adequadas e l'entorn reacciona pas de manièra negatiua.^[13] Prenon coma referéncia lo trabalh scientific d'investigadors coma Frits Bernard, Alfred Kinsey, Bruce Rind,^[14] Floyd Martinson, William Masters, Wilhelm Reich e Alayne Yates, entre d'autras, los qu'an negat o relativizat las consequéncias negatiuas que la psiquiatria e la societat sòlen atribuir a las relacions sexualas entre adults e enfants. Los activistas pedofiles assenhalen l'estat e las siás intervencions (interrogatòris policèrs, examens psiquiatrics, detencion e separacion del coble adult, jutjaments) en las interaccions adult-enfant coma l'autentic colpable de traumes psicologics importants en la ment de l'enfant.^[3] Sus aquestas basas, questionan la validitat de la majoritat sexuala e exigisson la siá abolicion o una reduccion progressiua e accentuada.^[12]

Los activistas pedofiles defendon çò que considèran lo drech fondamental dels enfants e dels adolescents de desvolopar liurament la siá sexualitat e d'elegir amb qui vòlon la partejar, siá ja entre eles o dins lo marc de relacions intergeneracionalas amb adults.^[15] L'activisme pedofil, doncas, se presenta pas solament coma un movement de liberacion sexuala pels adults, mas tanben pels mendres.^{[n. 1][16]}

Los activistas pedofiles defendon la pedofilia coma una orientacion sexuala especifica, comparabla a l'heterosexualitat o l'omosexualitat,^[12][3] e exigisson la siá eliminacion coma parafilia de las listas oficialas de malautiás e tròbles mentales.^[11] Argumentan que l'omosexualitat foguèt tanben classificada anteriorament coma malautiá per aqueles meteisses organismes e entitats e reivindican lo drech de pas èsser discriminats dins lo marc dels actuales estats democratics.^[3]

Los activistas pedofiles sostenon que las recèrcas sus las interaccions adult-enfant sòlen èsser distorsionades pels prejudicis dels investigadors en relacion amb la pedofilia, e reclaman una aprocha mai objectiva.^[17] Frits Bernard argumenta que la majoritat d'estudis suls pedofiles se realizan dins de condicions degradantes per aquestes (presons, psiquiatrics) e que s'i met l'accent solament en la part negatiua de la pedofilia (abús sexual infantil).^[3] Bernard objècta tanben que jamai pas se demanda los enfants en çò que tanh als sieus autentics sentiments suls pedofiles, mas après que se siá montat un grand escandal que los condiciona a respondre negativament sus la siá experiéncia.^[3]

Los activistas pedofiles acusan los mèdias de presentar una apròcha tendenciosa, endoctrinadora e sensacionalista sus la pedofilia.^[18] En 2004, en una entrevista concedida al periodic The Express-Time de Nòva Jersei, l'activista american Lindsay Ashford denoncièt l'usatge de la paraula pedofília coma sinonim d'abús sexual pels médias.^[19]

Qualques activistas se mòstran favorables a la legalizacion de la pornografia infantila e de qualques formas d'expression erotica amb participacion de mendres, del temps que supausen pas abús sexual.^[20] Aquestes activistas considèran la persecucion de la possession de pornografia infantila coma un abús juridic e coma una violacion de dreches fondamentales, coma lo drech a la libertat d'expression.^[21][22][20] Lo Partit de la Caritat, la Libertat e la Diversitat dels Païses Basses considerava censura la proïbicion de la possession de pornografia infantila e prepausava dins lo sieu programa politic la possibilitat de participar a produccions pornografiques a comptar de la majoritat sexuala.^[20] L'associacion alemanda Krumme 13 exigissiá l'abolicion de l'article 184 del còdi penal alemand qu'enebís la distribucion de pornografia infantila.^[23] Al Canadà, l'activista John Robin Sharpe presentèt un recors d'inconstitucionalitat contra las leis relativas a la possession de pornografia infantila, en allegant que viòlan lo drech a la libertat d'expression e de pensada.^[21]

Per'mor de defugir la stigmatizacion de tèrmes coma pedòfil e pederasta,^[24] los activistas pedofiles fomentan l'usatge de tèrmes coma boylover e girllover (tradusibles coma "amant dels mainats" e "amant de las mainadas", respectivament), e lo generic childlover.^[12] Se n'emplegan tanben d'autras, coma pedosexualitat e efebosexualitat.^[25]

Nòtas

1. Dins lo sieu assag Le Bon Sexe illustré, Tony Duvert afirma: "Cal reconéisser als mendres, enfants e adolescents, lo drech de far l'amor". Dins L'enfant au masculin, Duvert explica que lo contacte sexual entre un mainat e un òme representa pas per l'enfant mas una relacion omosexuala, que pòt se revenir a la siá orientacion sexuala, e que condemnar los pedofiles equival a perseguir los omosexuales.