Aeroscopia

Aeroscopia es un musèu aeronautic situat a Blanhac (Nauta Garona), près del site AéroConstellation, e aculhís un dels exemplars del Concorde. Foguèt inaugurat lo 14 de genièr de 2015^[1].

Localizacion

Lo bastiment es situat en fàcia de l'usina Jean-Luc Lagardère, sul site de Pinòt a Blanhac.

Istoric

L'idèa d'un musèu consacrat a l'aviacion a Tolosa existís dempuèi las annadas 1980^[2]. Fin finala foguèt a partir de la fin de las annadas 2000 que lo projècte del musèu comencèt a se realizar. En 2009 alara que lo finançament èra gaireben acabat, lo projècte èra suspendut a la decision de la vila de Tolosa, alara que lo projècte èra suportat per l'associacion « Terre d'Envol »^[3],[4], fin finala se decidiguèt.

La primièra pèira d'Aeroscopia se pausèt lo dijòus 16 de junh de 2011^[5] en preséncia de Bernard Keller, cònsol màger de Blanhac, Pèire Cohen, cònsol màger de Tolosa, Nicole Belloubet, vicepresidenta del conselh regional, Fabrice Brégier, director executiu d'Airbus, e de las associacions portant la lors colleccions al musèu. Las òbras comencèron en junh de 2012 amb lo terrassament^[6].

Lo 14 de març de 2014, los primièrs aparelhs intrèron al musèu, s'agís del Falcon 10 de las Alas Ancianas Tolosa, de l'Aérospatiale Corvette e del Concorde de l'Acadèmia de l'aire e de l'espaci^[7].

Finançament

Lo projècte a costat 21,5 milions d’èuros en finançaments publics e privats.

• Vila de Blanhac: 8,45 milions;
• Tolosa Metropòli: 5 milions;
• Airbus: 3,5 milions;
• Miègjorn-Pirenèus: 2,7 milions;
• Nauta Garona: 1,6 million.
• Aérothèque: 100 000 €.

Lo site (musèu e centre de seminari) es gerit per la societat Manatour^[8].

Colleccion

Arribadas dels primièrs avions (Falcon 10 F-ZACB)

Arribada del Concorde

Los avions expausats son prestats per las Alas Ancianas Tolosa, que lo site de restauracion es a costat del musèu, Airbus Heritage, l'Acadèmia de l'aire e de l'espaci (ANAE):

• Concorde F-WTSB (ANAE)
• Airbus A300 (Airbus Heritage)
• A400M
• Super Guppy
• Corvette (Airbus Heritage)
• Falcon 10 n°02, prototipe per l'ensag del turboreactor Larzac
• Fouga Magister
• Gazelle
• Mirage 3C
• Nord 1100
• Lockheed F-104
• MiG 15
• Republic F-84G
• Saab Draken
• MS.760 Paris
• Vought F-8N Crusader
• Fairchild Metro, ancian avion de Météo-France.

Seràn tanben mostradas de maquètas menada per l'Aérothèque.

Ligams extèrne

Wikimedia Commons prepausa de documents multimèdia liures sus Aeroscopia.

• site d'Aeroscopia