Aiguaviva

Aiguaviva (en catalan: [ˈajɣˈuaβiβə]^[4]) es una comuna de la província espanhòla de Girona, en Catalonha.

Aiguaviva

(Escut d'armas)
Nom oficial	Aiguaviva (ca)[1]
Administracion
Capitala	Aiguaviva
Lenga oficiala	catalan
Politica
• Alcalde (ca)	Josep Pinsach i Riera (ca) (2019–)
Geografia
41° 56′ 19″ N, 2° 45′ 44″ E
Estat	Espanha
Comunautat autonòma	Catalonha
Província	província de Girona
Comarca	Gironés
Superfícia	13,9 km²[2]
Altitud mejana	169 m[2]
Fus orari	UTC+01:00
Demografia
• Totala	802[3] ab. (2024 )
• Densitat	57,7 ab./km²
Autras informacions
Còdi postal	17181
Sit web	aiguaviva.cat

Toponimia

Ni per èsser administrativament en Gironés e pas de la Selva, Aiguaviva se ditz tanben Aiguaviva de la Selva, per se diferenciar d'Aiguaviva de Bergantes, municipi catalanoparlant de la província de Teròl e de la comarca de Baix Aragó, istoricament del Matarranya.

Aiguaviva ven del latin aqua, « aiga » e viva ^[5] (parièr en occitan) o de lors resultats en latin vulgar e en catalan.

Aig(u)a(s)viva(s) es un sintagma espandit coma toponime mai que mai en occitanoromanic (i a pas d'exemple, per las comunas o los municipis, d' *Aguaviva en iberoromanic o d' *Eauxvives en galloromanic; vertat es qu'en espanhòl o en portugués, l'adjectiu seriá diferent). Es mai que mai al plural, benlèu pas dempuèi l'origina, mès demòra al singular dins Aiguaviva de la Selva e Aiguaviva de Bergantes, las comunas catalanas (lo monestier d'Aigües Vives, a Carcaixent, al País Valencian, usa çaquelà del plural). Demanda pas de traduccion e pòt èsser motivat per la preséncia de rius, de fonts, o de rius que naisson de fonts; en mai del sens literal e concret, la motivacion del nom foguèt benlèu son aspècte melioratiu o valorizant : es benlèu pas per azard se, almens per las comunas e municipis, se tròba sonque en clima mediterranèu o oceanic d'influéncia mediterranèa e s'es absent de Lemosin, d'Auvèrnhe e de Gasconha, que l'aiga i manca pas. Dins la practica, se limita (totjorn per las comunas o municipis), al catalan, al lengadocian meridional e oriental e a la broá del provençal : a donc un caractèr regional net.