Alèir (aiga)

Alèir (var. Alièr, Alier, z-Alavièr; totas aquestas formas son ben atestadas en occitan auvernhat) (en francés l'Allier) es una aiga, un flume al sens occitan, d'Occitània e de França.

Pels articles omonims, vejatz Alèir (omonimia).

Alèir
Caracteristicas
Longor	145 km
Bacin	?
Bacin collector	Léger
Debit mejan	140 m3⋅s-1
Riu
S'escampa dins	Léger
Geografia
Païses traversats	França, Occitània
Vilas principalas	Vichèi

Geografia

Sa font se tròba au Morre de la Gardilha (1423 m) en Losera, a l'extrèm orient de la Marjarida. S'eschampa dins Léger au "bèc d'Alèir" prèp de Nivèrns, a la termèira entre Char e Nièvre. Es un daus darrèirs flumes sauvatges d'Euròpa. Le bacin idrografic d'Alèier se situa majoritariament dins lo Massís Central, cobrissent una granda part de l'anciana region Auvèrnhe (Naut Léger, Puèi de Doma e Alèir, Cantal essent la sol departament d'Auvèrnhe non percorregut per Alèir mas present sul bacin per son afluent l'Alanhon)^[1] e tòca los departaments, d'amont cap aval, de Losera, Ardecha, Nièvre e Char.

Sa direccion generala es orientada dau sud au nòrd, amb qualques inflexions a Lengònha, Cornon d'Auvèrnhe, Limons e au Veurdre^[1]. En amont, es delimitat netament per plusors massís montanhós :

• au sud, pels monts de Cevena e l'aigavèrs entre la mar Mediterranèa e l'Atlantic^[1]
• a l'oèst, massifs de la Marjarida, dau Cantal, dau Sejalèir, daus Monts Dòr e d'una partida daus Monts Domas. Lo limit se perlonga pus en aval, long de las linhas de crèstas a travèrs lo replanat de Combralha^[1],
• a l'èst, massís dau Devèrs, de Liuradés, de Forés, daus Bòscs Nèirs^[1].

Au centre dau bacin idrografic, se tròba lo bacin daus limanhas. Òm pòt distinguir tres entitats dau bacin idrografic : lo couloir dau Naut Alèir, lo complèxe central daus monts e limanhas e las planas dau país bas^[1].

Afluents màgers

• Alanhon
• Chapaurós
• Dòra
• Langoiron
• Siula