Aups Maritims
departament francés From Wikipedia, the free encyclopedia
Remove ads
Lu Aups Maritims (var. Alps Maritims, Aups Maritimi) son una division administrativa e electorala de l’estat francés situada entierament en Occitània. Fan partida de la region de Provença-Aups-Còsta d'Azur.
Remove ads
Lo capluec es Niça.
Remove ads
Codificacion
A sa creacion en 1793, lo departament reçaup lo còde 85 e lo garda entrò 1814. En 1860, reçaup lo còde 87. De 1901 a 1928 las placas d’immatriculacion començan per M (arrondiment mineralogic de Marselha). De 1928 a 1950, las placas començan per BA. En 1941, lo departament reçaup lo numèro 06 dins lo còde oficial geografic de l’estat francés.[1] En 1950, lo còde mineralogic es 6 puèi 06. Es représ dins lo còde postau a partir de 1965.
Remove ads
Eraudica
Escut dau departament (non oficiau)
Escut de Niça
Escut de Grassa (districte dins Var de 1793 a 1795, sosprefectura despuèi 1860)
Escut de Menton (districte de 1793 a 1794)
Escut dau Mónegue (Fort-d'Hercule, districte de 1794 a 1795; sosprefectura de 1800 a 1805)
Escut dau Puget (sosprefectura de 1800 a 1814 e de 1860 a 1926)
Escut de Sant Paul (districte dins Var de 1793 a 1795)
Escut de Sant Rémol (sosprefectura de 1805 a 1814)
Escut de Vença (anciana diocèsi)
.svg)
.svg)
.svg)
.svg)
.svg)
Remove ads
Istòria
Lu Aups Maritims si partejan entre aquesti regions istoriqui:
- lo Comtat de Niça (ò País Niçard) per la màger part dau departament, a l'entorn de Niça e dins la zona aupenca. Una part dau País Niçard es dins l’Estat italian.
- lo principat de Mónegue possedissia las vilas de Menton e Ròcabruna.
- la region istorica de Provença englòba la part occidentala, a l’entorn de Grassa, Antíbol, Canas e Canha de Mar. Avans 1388, Provença finda possedissia lo País Niçard.
Lo departament deis Aups Maritims es un departament de frontièra que coneguèt 6 configuracions territorialas, 3 dins sa promièra existéncia (de 1793 a 1814) e 3 dins sa segonda (dempuèi 1860).[2][3]
En seguida de l'annexion dau comtat de Niça, proclamada lo 31 de genièr de 1793, se crea lo 4 de febrièr lo departament deis Aups Maritims, de 3 districtes: Niça, Menton e lo Puget Tenièrs.[4] Reçaup lo numèro 85 que se gardarà entrò 1814.
Lo 14 de febrièr de 1793, lo principat de Mónegue, annexat per França, es apondut au departament. Pauc après Mónegue remplaça Menton coma capluòc de districte.
En 1801, los 3 districtes venon d’arrondiments, amb quauques ajustas e una reduccion dau nombre de cantons.
En 1805, l'Empèri francés annèxa la Republica liguriana e ne restaca la part occidentala au departament. L’arrondiment de Mónegue es estacat a lo de Niça e se crea un novèu arrondiment, a Sant Rémol.[5]
En 1814, França torna lo departament au Reiaume de Piemont.
En 1860, lo rèi de Piemont paga Napoleon III per son ajuda contra Àustria en li donant Savòia e lo comtat de Niça. La lei dau 23 de junh de 1860 crea un novèu departament deis Aups Maritims ambe "lo territòri de Niça e l’arrondiment de Grassa, trach dau departament de Var". Au contrari dau periòde de 1793 a 1814, aquèu departament conten pas lo marquesat de Doçaiga, part dau comtat de Niça que demòra dins lo reiaume de Piemont. Reçaup lo numèro 87 que gardarà entrò la fin dau s. XIX.
Lo tractat dau 2 de febrièr de 1861 intègra lei comunas de Menton e Ròcabruna dins lo departament.[6]
En 1926, l’arrondiment dau Puget de Tenièrs es suprimit.
Lo tractat de París en 1947 annèxa a França e au departament lei comunas de Tenda e La Briga.
En 1989, la Còla Longa es transferida de la comuna de Vinai, dins l’estat italian, cap a la de Lieusola que n’èra ja proprietària.
Remove ads
Lenga deis Aups Maritims
Remove ads
Tanben veire
- Arrondiments deis Aups Maritims.
- Districtes deis Aups Maritims.
- Cantons deis Aups Maritims.
- Gropaments de comunas deis Aups Maritims.
- Comunas deis Aups Maritims.
Ligams extèrnes
- Tradicions musicali dins lu Aups Maritims (anglés, francés e occitan).
Referéncias
Wikiwand - on
Seamless Wikipedia browsing. On steroids.
Remove ads