Província istorica de França

Las Províncias istoricas de França que son de mau definir per'mor que non corresponen pas dab cap grop d'entitats politica o administrativa omogenèa. En realitat que son ua colleccion de parçans establits en epòcas divèrsas en se bèth superpausar a còps e dab estatuts politics diferents : diocèsi, bisbat, senhoria, ducat, marquesat, estat d'ancian regim eca.

Aquel article (o seccion) es un esbòs.

Non i a donc pas cap lista establida e l'ensag d'en hargoar ua que demora un tribalh parciaument arbitrari qui impausa d'establir o pas ua mena de ierarquia. Per exemple, Armanhac que pòt estar considerat com ua província istorica o com un parçan de Gasconha (era medisha parçan potenciau de Guiana).

Ensag de lista

Lista de las províncias istoricas de França dab la loa capitau, lo lor estatut politic e la data deu lor restacament au domeni reiau de França; que son mentavudas en òrdi deu lor restacament au domeni reiau de França :

1. Isla de França (París): província au còp originària e gessida deu domeni reiau.
2. Berric (Borges): gessida deu vescomtat de Borges, aquesida en 1101.
3. Orleanés (Orleans): gessida deu comtat d'Orleans, tanhent deu domeni reiau.
4. Normandia (Roan): ducat carolingian de Normandia creat en 911 per Rollon (estacada en 1204).
5. Lengadòc (Tolosa): província conquesida peus francs a l'escadença de la batalha de Vouillé ; lo comtat de Tolosa que ho juntat au domeni reiau per aligança en 1271.
6. Lionés (Lion): província gessida de l'ancian comtat de Lion, restacada a França en 1313.
7. Daufinat (Grenòble): Estat independent crompat per França en 1349.