Anatole Boucherie

Anatole Boucherie (Challignac, Charanta, 29 de març de 1831 – Montpelhièr, 3 d'abril de 1883) foguèt un lingüista peitavin. Aqueste autodidacta aviá primièr ensenhat la gramatica a la Rochelle e a Engoleime abans d'èsser nomenat a Montpelhièr en 1864. Son interès per la filologia se concretizèt l'an seguent per la publicacion d'un estudi sul santongés. Amassa amb los occitans Carles de Tortolon, Camil Chabaneu, Aquilles Montèl e lo catalan Francesc Cambouliu creèt la Société des Langues Romanes que ne foguèt secretari. Trabalhèt coma mèstre de conferéncia a l'Universitat de Montpelhièr tre 1878 que sa santat fragila l'empachava d'assumir son ensenhament normal. Per tal d'omenatjar sa figura la Société des Langues Romanes creèt un Prèmi Boucherie.

Òbras

• Patois de la Saintonge, curiosités étymologiques et grammaticales (1865)
• Cinq formules rythmées et assonancées du VIIe siècle (1867)
• Un almanach au XIIe siècle (1872)
• Le palimpseste de Montpellier : Manuscrit 141 (VIIIe-IXe siècle) de la Bibliothèque de l'École de mécecine de Montpellier (1872)
• Le dialecte poitevin au XIIIe siècle (1873)
• Mélanges latins et bas-latins (1875)