Andesita

L’andesita es una ròca magmatica volcanica compausada de plagioclasi (andesina), de piroxèns (diopsida, pigeonita, iperstèn), d'hornblenda e de biotita. La preséncia de qüars, d'olivina, de magnetita, d'ematita, d'apatita e de zircon es possibla. A una estructura massisa constituïda de gruns fins. Lei colors principalas son lo negre, lo brunàs e lo verdàs. Pòdon variar rapidament au sen d'una meteissa formacion.

Andesita (Peró).

L'andesita es una ròca comuna dins lei zònas volcanicas de subduccion coma Japon, leis Andes, Indonesia, Iran ò Turquia^[1]. I forma de coladas cortas, de dòmas e de venas. En Occitània, de jaciments son presents dins lo massís de l'Esterèu. Pòu aver d'utilizacions localas coma materiau de construccion. Per exemple, dins l'Empèri Inca, foguèt adoptada coma materiau de basa per la construccion dei muralhas de Cusco^[2].

Liames intèrnes

• Subduccion.
• Volcan.

Bibliografia

• (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.