Antilhas

Las Antilhas (autrecòps nomenadas las Índias Occidentalas) son las islas banhadas per la mar Cariba, mai las Bahamas. Se fa la distincion entre las Grandas Antilhas, que comprenon Cuba, Jamaica, la Hispaniola (Aïtí e la Republica Dominicana) e Puerto Rico, e las Pichonas Antilhas (la rèsta d'islas). A causa de la lenga que s'i parla, Cuba, la Republica Dominicana e Puerto Rico son tanben considerada coma una part d'Ispanoamerica, mentre que geograficament parlant las Antilhas fan part de l'America Centrala.

Antilhas
Superfícia	235830 km²
Populacion	41964775
Densitat	—
Païses	13
Lengas principalas	Anglés, Creòls, Espanhòl, Francés, Neerlandés

Mapa de las Antilhas

Lo gentilici es antilhés -esa^[1][2][3] o antilhan -ana^[3].

Lo nom

Aital coma los toponims "Brasil" o "Eqüator", lo nom "Antilhas" data d'un periòde anterior a la descobèrta d'America: "Antilha" èra una d'aquelas tèrras misteriosas que figuravan dins las ancianas cartas portolanas, de còps en forma d'archipèla, de còps coma una sola pèça de tèrra de mai o mens estenduda, que la posicion fluctuava de longa al mitan de l'ocean entre las Canàrias e las Índias Orientalas. Mas foguèron fin finala identificadas las tèrras descobèrtas per Cristòl Colomb.

Grandas Antilhas

• Bahamas
• Cuba
• Hispaniola:
  • Aïtí
  • Republica Dominicana
• Illas Caiman (GB)
• Illas Turcas e Caïcas (GB)
• Jamaica
• Puerto Rico (EUA)
• Illas Verges Britanicas e Illas Verges Americanas. De còps compresas dins las Grandas Antilhas, de còps dins las Pichonas Antilhas.