Arcanhac

Arcanhac (Arcagnac en francés) qu'es ua anciana comuna occitana de Gasconha, situada dens lo departament de Gers e la region d'Occitània, ancianament de Mieidia-Pirenèus. Qu'es incorporada dens Haulias despuish 1824.

Geografia

D'Arcanhac qu'es sus ua sèrra au sud d'Haulias. En demòra pas qu'un bastiment sus la mapa. Pas d'accès per Google Earth.

Istòria

Arcanhac qu'èra ua parròpia annèxa abans la revolucion francesa ^[1] En 1824, la comuna d'Arcanhac qu'estó annexada a Haulias ^[2].

Toponimia

Arcanhac que veng versemblablament deu nom gallic d'òme Arcanios (o galloroman Arcanius) dambe'u sufixe -ācon. Xavier Delamarre que precisa pr'aquò lo mot latin arcānus « estujat, secret » a hornit toponimes e la distincion qu'es impossibla entre las duas originas^[3].
Henri Polge qu'explica dens ua bona partida deu Gers, a l'excepcion de l'èst (diocèsis de Leitora e de Lombers), en mei de -n- intervocalica, n palatala (-nh-) s'amudeish sovent dens los documents entre lo sègle XI e lo sègle XIII en gardar solament un -i-, puish torna paréisher eventualament (mei dens los toponimes en -ac que dens los en -an) a la fin de l'Edat Mejana. Arcanhac qu'èra escriut Arcaiag en 1150 e 1175 ^[4]. Segon Xavier Ravier, que demòrè ua traça de la nasalitat qui permetó lo restabliment de la nasala dentala ^[5].

Demografia

modificar « persona »  v · d · m  Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
68	59	70	54				-	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

• Lo n° INSEE qu'es estat cambiat per rasons practicas.