Bascous (en francés) qu'es absent de quasi totas las mapas (sonque la mapa de las annadas 1950 lo mòstra, au nòrd deu borg de Claramon, aquí on es escrit adara Laurentie e Pérès) ^[1]; Bascous qu'es tanben absent de la lista deus lòcs de la comuna ^[2]. Que cau imaginar un territòri coneishut deus poblants, sense vilatge o ostau d'aqueth nom (mès benlèu que n'i agó e quitament qu'estó ua parròpia a temps passat). Sense memòria collectiva, jamès aurén hèit ua comuna d'aqueth nom a la Revolucion. Un còp la comuna fusionada, las mapas que's contentèn d'escriure lo nom deus vilatges e deus ostaus. Pr'aquò, lo nom de Bascos qu'es enqüèra coneishut dens la comuna e localizat.

Per rasons de fonetica locala (lo casso e pas lo casse) e perqué la prononciacion locala sembla ['baskus] ^[3], Bascous que representa probablament lo cas subjècte Bascos, com Bascos, près d'Eusa, e pas lo cas regime, com Bascons. Qu'es un nom de pòble ^[4], mès a prepaus de la comuna de las Landas, Bénédicte Boyrie-Fénié qu'escriu, a la seguida de J.-B. Orpustan, se lo nom datava de l'invasion vascona de la fin deu sègle VI, lo resultat que seré en G- (de [w-] en passant per [gw-], devath influéncia germanica) e pas en B-; la formacion deu nom qu'es donc plan posteriora au càmbiament fonetic Uascon(es) > Guascon(es) ^[5].

Geografia

Toponimia

Istòria

Demografia

Nòtas e referéncias