Bassa Bretanha

La Bassa Bretanha (en breton: Goueled Breizh o Breizh izel) o Bretanha occidentala^[1],[2], designa la part occidentala de Bretanha. La designacion cobriguèt de territòris d'estendudas divèrsas situats a l'oèst dels centres administratius. Òm aguèt costuma de designar aital lo grop dels quatre ancians avescats de Cornoalha, Leon, Tregor e Vannetés, per exemple sus las mapas del sègle XVII. Lo tèrme servís en geografia lingüistica, per designar l'aira recenta d'usatge de la lenga bretona. P'raquò lo territòri correspond pas qu'imperfiechament als quatre diocèsis tradicionals, e non respond pas a la situacion lingüistica entre lo sègle XII e lo sègle XVII, coma o mòstra la distribucion dels toponims bretons e d'autres donadas. La Bassa Bretanha es completada per la Nauta Bretanha que formèt amb ela lo Ducat, puèi la província istorica abans son desmembrament.

La Bassa Bretanha de lenga bretona en colors e la Nauta Bretanha de lenga galesa en blanc e grís.