Phoenicopterus ruber

Becarut, Flamenc

Phoenicopterus roseus

Un flamenc ròse en Camarga (Occitània)

Classificacion

Règne	Animalia
Embrancament	Chordata
Classa	Aves
Òrdre	Phoenicopteriformes
Familha	Phoenicopteridae
Genre	Phoenicopterus

Nom binominal

Phoenicopterus roseus
Pallas, 1811

Estatut de conservacion UICN

LC  : Preocupacion menora

Estatut CITES

Annèxe II , Rev. del 29/07/1983

Phoenicopterus ruber es l’espècia de becarut o flamenc pus espandida. Es un aucèl qu'aperten a la familha Phoenicopteridae e l'órdre Ciconiiformes, anteriorament Phoenicopteriformes. Los flamencs son d'aucèls cambaruts, de bèc corbat e long (becarut). Mesuran entre 90 e 150 cm de nautor. Lor plumatge pòt èsser fòrça colorat de tons ròses vius. Son d' animals que s'alimentan d'algas e de pichons crustacèus per filtracion.

Los becaruts son d'aucèls gregaris, que vivon en tropelats nombroses amassats en zònas aqüaticas. S'encontran dins de regions d’Africa, en Asia del Sud-Oèst (e Turquia), Euròpa prèp de la Mediterranèa (Camarga, Formentera). Qualques populacions fan de migracions cortas.

Alimentacion

Los becaruts se noirisson per filtracion mercé a la forma particulara de lor bèc plan adaptat per desseparar la fanga e la baudra del manjar que lor cal. Lo filtratge dels elements nutritius es facilitat per una estructura en penche, de lamèlas situadas a la broa de las maissèlas, e per una lenga rufa. La color dels becaruts ven de la pigmentacion dels crustacèus rosencs que manjan.

Siloeta caracteristica de becarut en vòl en Camarga