Biel/Bienne

Biel (en alemand), Bienne (en francés), oficialament Biel/Bienne, es la novena vila de Soïssa. Situada dins lo canton de Bèrna, es lo capluec de l'arrondiment eponim. La comuna de Bienne compta 51 991 abitants en 2010.

Biel/Bienne

Biel (de) Bienne (fr)
Nom oficiau	Biel/Bienne (mul)[1]
Administracion
Capitala de	Districte administratiu de Bienne (ca)
Lenga oficiala	alemand francés
Politica
• Cap d'Estat	Glenda Gonzalez Bassi (ca) (2025–)
Geografia
47° 08′ 14″ N, 7° 14′ 50″ E
Estat Soïssa Canton Canton de Bèrna Region administrativa Seeland Districte administratiu Biel/Bienne
Superfícia	21,19 km²[2]
Altitud mejana	434 m
Demografia
• Totala	55 932[3] ab. (31 de decembre de 2023 )
• Densitat	2 639,55 ab./km²
Autras informacions
Còde postau	2500, 2502, 2503, 2504, 2505 e 2501
Prefix telefonic	032
Sit web	biel-bienne.ch

La plaça dau Ring, dins la vila vièlha

Situada sus la frontiera lingüistica entre lei regions francofònas e germanofònas, es la vila bilingüa de Soïssa mai granda. Lo bilingüisme administratiu de la vila si compausa de:

• 60% de germanofòns (addicion dei 55,4% d'Alemanics ambé lei Romanchs, lei Turcs e lei ciutadans de l'ex-Iogoslavia), e de

• 40% de francofòns (addicion dei 28,1% d'Arpitans embé totei lei ressortissents Italians, Portugués, Espanhòus, Albanés, etc).

Bienne si tròba au pè dau flanc sud de la cadena de Jura e parteja ambé la vila de Nidau la baia dau lac au quau donèt son nom, lo lac de Bienne (Bielersee).

La vila de Bienne es embessonada a la vila alemanda d'Iserlohn despuei 1959.

Siguèt ambé Neuchâtel, Yverdon-les-Bains e Morat (Murten), una dei vilas organizatritz d'Expo.02. A Bienne, quasi totei lei bastiments construchs per l'exposicion siguèron destruchs a la fin d'aquesta. D'unei siguèron desplaçats : lo bastiment de "Territòri imaginari" siguèt desmainatjat a la carriera Alexander-Schöni, e venguèt una sala de congrès e d'espectacles que fa concurréncia au Palais dei Congrès, situat just a quauquei mètres.