Brotonica

La brotonica (Stachys officinalis o Betonica officinalis) es una planta erbacèa vivaça de la familha de las Lamiacèas. Son interès medecinal èra ja conegut dins l'antiquitat, per un tractat atribuït a Antonius Musa, medecin d'August.^[1]

Usatges medecinals

Utilizada tradicionalament per tractar l'ànsia, la litiasi biliara, las cremaduras d'estomac, l'ipertension arteriala, la migrana e las neuralgias, e per prevenir la susor exessiva. S'emplega tanben en pomada per las copaduras e sortiduras. Cap d'aqueles usatges foguèron pas provats scientificament, mas la planta èra autrecòps fòrça emplegada e un provèrbi popular disiá La brotonica al medecin fa la nica.

Las plantas del genre Stachys an una activitat anti radical liure e antioxidanta potenta, saique deguda al taus enauçat de polifenols que contenon.^[2] L'òli essenciala de Stachys officinalis es antibacteriana.^[3] Las partidas aerianas contenon de feniletanoïd glicosids, (betoniosids A-F) e acetosid, acetoside isomèra, campneosids II, forsitosid B e leucosceptosid B.^[4] Las raices contenon de diterpen glicosids, betonicosids A-D e diterpen, betonicolide.^[5]

• 
• 
•