Cabanac e Seguenvila

Cabanac e Seguenvila^{[1],[2],[3],[4]} (Cabanac-Séguenville en francés) es una comuna gascoa, situada dens lo departament de la Hauta Garona e de la region d'Occitània, ancianament de Miègjorn-Pirenèus.

Vilatge d'Occitània

Cabanac e Seguenvila Cabanac-Séguenville
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa (de Cabanac ?)
Armas
Geografia fisica
Coordenadas	43° 47′ 38″ N, 1° 02′ 06″ E
Superfícia	10,18 km²
Altituds  · Maximala  · Mejana  · Minimala	284 m 280 m 177 m
Geografia politica
País	Gasconha
Estat	França
Region 76	Occitània
Departament 31	Nauta Garona
Arrondiment 313	Tolosa
Canton 3107	Legavin (Cadors abans 2015)
Intercom 243100856	CC de las Cimas Tolosanas
Cònsol	Anne-Marie Narguet (2020-2026)
Geografia umana
Populacion Populacion totala (2018)	177 ab. Evolucion de la populacion 178 ab.
Densitat	15,82 ab./km²
Autras informacions
Còde postal	31480
Còde INSEE	31096

Geografia

Comuna de l'airal urban de Tolosa situada a 42 km al Nòrd-Oèst de la vila.

Comunas a l'entorn.

Perimètre deu territòri

Comunas confrontantas de Cabanac e Seguenvila

Le Cause (Tarn e Garona)	Garièrs (Tarn e Garona)
		L'Agraulet Sent Nicolau
	Brinhemont

Toponimia

Cabanac

Cabanac veng benlèu d'un cognomen galloroman *Capannus, deu bas latin capanna, « cabana », dambe'u sufixe -acum ^[5], latinizacion deu sufixe gallic -āco(n). Cabanac èra donc benlèu una anciana grana propietat antica qu'avè per mèste *Capannus. A costat de *Capannus, defendut per Dauzat, Negre prepausa le nom gallic Cavanus dambe'u medish sufixe ^[6]. Per d'autes lòcs, mès pas per de noms de tipe Cabanac, Xavier Delamarre utiliza le nom gallic Cavānos ^[7] (equivalent a Cavanus latinizat), mès per l'omonime girondin, Bénédicte Boyrie-Fénié refusa Cavanus, qu'aurè miat, dambe la fonetica gascona, a *Cauanac e se pronóncia, a la seguida de Jacques Boisgontier, peu nom comun capanna, totjorn ambe -ācon, en motivant le nom per un vilatge compausat d'ostaus modèstes ^[8] L'argument donat per la lana girondina vau tanben per la Gasconha Tolosana.

Seguenvila

« Lo maine rural de Siguwin », nom de tipe germanic ^[9] format peus elements sig-, victòria (cf. alemand Sieg, victòria) e win, amic (cf. norvegien venn, amic) e de villa.
Se perpetua dens lo vilatge de Segofièla en Gers e lo nom d'ostau Seguin (damb l' n finau prononciada o pas...), frequent en Charanta e Gironda, Puei de Doma e Borgonha, abans la Purmèra Guèrra Mondiau e dens los noms Seguin et Seguins, tipics deu Sud-Oèst.
Véser tanben Sigwin von Are, arquevesque de Colonha. Le nom es atestat Seguinvilla en 1147 e le nom germanic es latinizat Siguinus per Negre ^[10].

La Mòta

La Mòta veng deu bas latin motta, probablament prelatin. En toponimia a le sens de hautor e lèu « tap naturau o artificiau dambe un castèth dessús » ^[11]. Au sègle VII, Virgilius Maro Grammaticus, citat per Joan Glaudi Dinguirard, trobèc dens ua lenga de Bigòrra que nomma semedia, le mot mota dambe un sens adeqüat ^[12]. Testimoniatge de la(s) lenga(s) parladas en Occitania e en França abans l'arribada deus indoeuropèus ?

Istòria

Pendent l'Ancian Regime, la comunautat, venguda comuna après, de Cabanac èra de l'eleccion de Lomanha, doncas de la província de Gasconha, de la generalitat d'Aush, de l'archidiocèsi de Tolosa, de la senescaucia de Tolosa. Le vocable de la glèisa, annèxa de L'Agraulet, es Nòsta Dauna. Tanlèu 1790, Cabanac èra deu canton de Cadors. Annexèn Lamothe-lès-Cabanac (nom francés) a Cabanac en 1818, puish Séguenville (nom francés), benlèu en 1833; La comuna prengoc le nom oficiau de Cabanac-Séguenville per decret deu 22 de març de 1929 ^[13]. En 2015, suprimiscón le canton de Cadors e la comuna passèc au canton de Legavin, largament espandit.

Pendent l'Ancian Regime, Lamothe o Lamothe-lès-Cabanac (La Mòta o La Mòta de Cabanac ?), comunautat non parròpia venguda comuna, èra tanben de l'eleccion de Lomanha, doncas de la província de Gasconha, de la generalitat d'Aush, de la senescaucia de Tolosa. Tanlèu 1790, La Mòta èra deu canton de Cadors ^[14]. La Mòta es au sud de Cabanac.

Pendent l'Ancian Regime, Seguenvila èra de l'eleccion de Lomanha, doncas de la província de Gasconha, de la generalitat d'Aush, de la diocèsi de Montalban, de la senescaucia de Tolosa. Lo vocable de la glèisa, annèxa deu Cause (Tarn e Garona), es Sent Joan Baptista. Tanlèu 1790, Seguenvila èra deu canton de Cadors ^[15]. Seguenvila es a l'èst, dens las crestas, près de la RD 18-RD 1.

Administracion

Lista deus cònsols successius

Periòde		Identitat	Etiqueta	Qualitat
mai de 2020	(2026)	Anne-Marie Narguet		agricultritz
març de 2008	2020	Michel Pouvillon	PS	retirat de l'ensenhament
març de 1965	2008	Jean Ducasse
	1965
Totas las donadas non son pas encara conegudas.

Demografia

modificar « persona »  v · d · m  Evolucion demografica Populacion comunala actuala (2013): 161, totala: 168
1793	1800	1806	1821	1831	1836	1841	1846	1851
84	101	106	477	473	462	441	485	485
1856	1861	1866	1872	1876	1881	1886	1891	1896
429	409	406	403	362	330	337	319	296
1901	1906	1911	1921	1926	1931	1936	1946	1954
286	264	248	206	203	192	169	166	190
1962	1968	1975	1982	1990	1999	2006	2007	2008
137	126	134	122	118	128	151	155	158 159
2009	2010
169 171	172 174
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 177 abitants e la densitat èra de 17,39 ab/km².

La Mòta-Cabanac

• 1793 : 169 abitants
• 1800 : 169
• 1806 : 165 ^[16]

Seguenvila

• 1793 : 167 abitants
• 1800 : 153
• 1806 : 200
• 1821 : lacuna (probablament recensada dambe Cabanac)
• 1831 : 70 ^[17].

Le resultat de 1831 es incoërent (ua partida de la comuna recensada dambe Cabanac ?).

Véser tanben

• Comunas de la Nauta Garona

Ligams extèrnes