Cador

Cador es una anciana comuna roergassa situada dins lo departament d'Avairon e la region d'Occitània, ancianament de Miègjorn-Pirenèus, incorporada en 1862 a La Bastida de l'Avesque. Dempuèi lo 1èr de genièr de 2016, La Bastida de l'Avesque (o de l'Evesque) es comuna delegada e capluòc de la comuna novèla del Bas Segalar.

Geografia

Lo vilatge de Cador es situat sus un planòl que tresplomba una comba, a l'èst-nòrd-èst de la Bastida.

Toponimia

Cador ven del nom gallic d'òme Caturos, atestat, latinizat en Caturus. Cador èra la proprietat de Caturos. L'etime es Caturon (Caturos dambe la derivacion neutra singulara en -on). Un nom semblable es Cadors, ambe -s finala adventícia ^[1],[2],[3]. J. Astor pensa que Caturus es un derivat de catu, « combat » ^[4].

Istòria

Cador èra una anciana parròquia abans la revolucion (mapa de Cassini sus Geoportail ^[5]). En 1862, Cador foguèt annexat, amb Cabanas e Teulièras, a La Bastida de l'Evesque ^[6]. Un dobte : en 1801, lo nom èra Cadour et Lou Cayla ^[6], çò que fa pensar que Lo Cailar foguèt pas annexat a La Bastida de l'Avesque entre 1790 e 1794. Lo Cailar (luòc que sembla abandonat) es al nòrd de Cador dins una vòuta d'Avairon.

Demografia

La populacion èra de 462 abitants en 1793 e 442 en 1800. De 1806 a 1861, la comuna foguèt recensada amb una autra comuna ^[6], plan probablament La Bastida de l'Evesque.

Lòcs e monuments

Cador garda son anciana glèisa e son cementèri.

Veire tanben

Ligams extèrnes