Charles Edouard Guillaume

Charles Édouard Guillaume (n. en 1861, m.1938) foguèt un fisician soís. Recebèt lo Prèmi Nobel de Fisica en 1920.

Charles Édouard Guillaume
Biografia
Naissença	15 de febrièr de 1861 Fleurier, Soïssa
Mòrt	13 de mai de 1938 Sèvres, França
Activitat
Distincions	Prèmi Nobel de Quimia l'an 1920

Biografia

Nascut lo 15 de febrièr de 1861 dins la vila soïssa de Fleurier, estudièt fisica a l'Institut Politecnic de Neuchatel e a l'Universitat de Zuric. Dintrèt al servici del Burèu Internacional de Peses e Mesuras de Sèvres l'an 1883 e ne foguèt nomenat director adjunt l'an 1902, per ne venir director lo 1915.

Guillaume moriguèt lo 13 de junh de 1938 dins la vila francesa de Sèvres.

Recèrca scientifica

Guillaume inicièt los sieus trabalhs al bòrd de Kristian Birkeland, descobridor de l'auròra boreala. Trabalhèt a l'Observatòri de París, seccion de Meudon, en menant a tèrme de divèrsas experiéncias relatius a mesuraments termostatics, en essent lo primièr a determinar la temperatura corrècta de l'espaci.

Foguèt guerdonat l'an 1920 amb lo Prèmi Nobel de Fisica per la siá descobèrta d'una liga d'acièr e niquèl, coneguda amb lo nom d'invar. Aquela liga a un coeficient de dilatacion termic fòrça pichon, lo que permet lo sieu usatge en lo bastiment de relòtges e de patrons per mesuras geodesicas.