Chimène Badi

Chimène Badi, nascuda en França còsta París lo 30 d'octobre de 1982 a Melun, en Sèina e Marna, es una cantaira francesa d'origina argeriana per sos parents. A passat la màger partida de son enfança (a partir de l'edat de tres ans) en Occitània, a Vilanuèva d'Òut (Guiana).

La cantaira francesa Chimène Badi en 2022

En 2002, Chimène Badi vei a la television francesa la benda-anóncia de l'emission musicala Popstars e s'inscriu al casting a Bordèu, ont es retenguda. Ganha pas aquel concors televisat, pasmens, lo productor francés Valéry Zeitoun que l'i a remarcada pensa que's pòt lançar dins una carrièra sòlo e li permet alavetz de signar un contracte ambe l'ostal de disques Universal. Aital, en 2003 publica son primièr simple Entre nous que ven una capitada enòrma en França, classat numèro un de las vendas.

Fin 2004, repren Je viens du sud de Michel Sardou : lo simple publicat en genièr de 2005 s'ajoca lèu numèro dos de las vendas de disques en França.

Cançons mai conegudas en Occitània

• Entre nous (2003)
• Je vais te chercher (2003)
• Si j'avais su t'aimer (2003)
• Le jour d'après (2004, adaptacion francesa de la cançon del filme american The Day After Tomorrow)
• Je ne sais pas son nom (2004)
• Je viens du sud (2005, represa de Michel Sardou)
• Retomber amoureux (2005)
• Dis-moi que tu m'aimes (2005)
• Tellement beau (2006)
• Là-haut (2018)