Claudio Monteverdi

Claudio Monteverdi (Cremona, lo 15 de mai de 1567 (batejat) – Venècia, lo 29 de noveme de 1643) compositor e musician (cantador e jogador de viòla) italian deu debut deu periòde barròc e deu debut deu desenvolopament de l'opèra. Lo son opèra lo mei famós qu'ei L'Orfeo.

Claudio Monteverdi

Vita

Monteverdi qu'arrecebó la soa educacion musicau hens la soa ciutat nadau de Cremona dab Marc'Antonio Ingegneri compositor e mèste de capera de la catedrau. Que publiquè hèra de d'òra las soas purmèras òbras musicaus, de cap a 1582. En 1590 qu'entrè au servici Vincenzo I de Gonzaga dens la soa cort de Màntoa com cantador e jogador, e, en 1602 que gavidè los sons musicians. Com compositor, que desenvolopè la monodia (en oposicion dab la polifonia dominanta d'aqueth temps) en privilegiant certas votz çò qui permetèva ua miélher comprension deu texte e qui aubriva lo camin de cap a l'opèra. L'Orfeo, lo son purmèr opèra que ho estreat a Màntoa en 1607. En 1613 que vadó director d'orquèstra a la Basilica de Sant Marc a Venècia. Que ho ordenat prèste en 1632. Que ho sepelit dens la glèisa de Frari.