Coenzim

Los coenzims son un tipe de cofactor, particula que se jonh a un apoenzim per formar un oloenzim capable de catalisar de reaccions quimicas. Los coenzims son de moleculas complèxas, que generalament nòstre organisme pòt pas sintetizar. Per aquela rason fòrça d'eles son fornits per los aliments. Granda part dels coenzims son derivats de vitaminas idrosolublas.

Los coenzims se pòdon classificar segon se son transportadors d'idrogèn (d'electrons e protons) o transportadors de grops quimics:

Transportadors d'idrogèn: totes intervenon dins de reaccions oxidacion-reduccion en acceptant e donant electrons e protons, sovent combinats en formant atòms d'idrogèn.
- Nicotinamida adenina dinucleotid (NAD⁺)): Es un derivat de la niacina o vitamina B₃
- Nicotinamida adenina dinucleotid fosfat (NADP⁺): es un derivat de la niacina o vitamina B₃
- Flavina adenina dinucleotid (FAD): es un derivat de la riboflavina o vitamina B₂
- Flavina mononucleotid (FMN): es un derivat de la riboflavina o vitamina B₂
- Coenzim Q: es una quinona; interven a la cadena respiratòria e transpòrta pas que d'electrons
Transportadors de grops quimics:
- Coenzim A (CoA-SH): interven en la transferéncia del grop acil; es un derivat del pantotenat o vitamina B₅
- Biocitina: interven en la transferéncia del grop carboxil
- Piridoxal fosfat (PyF): interven en la transferéncia del grop amino; es un derivat de la piridoxina o vitamina B₆
- Metilcobalamina: interven en la transferéncia d'unitats de carbòni; es un derivat de la cobalamina o vitamina B₁₂
- Tetrahidrofolat (THF): interven en la transferéncia d'unitats de carbòni; es un derivat de l'acid folic
- Tiamina pirofosfat (TPP): interven en la transferéncia del grop aldeïd; es un derivat de la tiamina o vitamina B₁

Portau de la bioquimia