Cogorda

Lo tèrme cogorda, cocorda (cocorla, cacorla, cogorla), tuca o coja/goja designa qualques espècias de plantas de la familha de las cucurbitacèas. Son mai sovent cultivada pels fruchs comestibles mas tanben pòdon o èsser per lors granas oleaginosas. Los fruchs an la proprietat de se servar aisidament quand madurs e son utilizats en cosina coma un legum o de noiritura pels animals.

Noms vernaculars

La cocorda es apelada:

• cocorda en lengadocian, gascon, vivaroaupenc e en perigordin, var. cogorda en lengadocian e en provençau, cogorla en lengadocian^[1].

• coja en lengadocian, gascon e en lemosin, var. cuja en gascon, coia en lemosin, e coja melona en lengadocian^[1].

• citrolha en lemosin^[1].

• tuca en lengadocian^[1].

Genre Cucurbita

Descripcion

Las cogordas an la particularitat de lançar d'organs de sosten nommés "vedilhas" quo lor permeton de s'ancrancar als elements a l'entorn per sostener lor creissença.

Espècias

Las cogordas apartenon a las espècias botanicas del genre Cucurbita e dotadas d'una fòrça grand variabilitat genetica, que se vei, pels fruches, per d'inombrablas formas e colors e tanben una granda diversitat de talhas.

Levat qualques exepcions las espècias diferentas s'ibridan gaire entre elas pas e lo mai sovent donan de granas nautament esterilas.

Cucurbita maxima

Cucurbita moschata

Cucurbita pepo

Cultura

Se semena las cogordas al començament de prima aprèp lo darrièrs gèls d'hiver (idealament lo sol de cultura deu èsser ric, a 20 °C e a un pH a l'entorn de 6.5). Los plants en plaça devon èsser espaçats de 1 m de totes costats e per las varietats corradissas fins 1,20 m amb 2 m entre los rengs.

Semenar cada setmana fins al 15 de julhet per aver una produccion espandida de miègjunh fins a octobre.

Apalhar lo sol a l'entorn de las cucurbitacèas per gardar l'umiditat dins lo sol e ofrir un "lièch" sec als fruchs butant sul sol.

Per fructificar melhor, las lianas de las cocordas devon èsser talhadas a 25 cm del darrièr fruch conservat^[2].

culhir las corgetas 60 jorns après lo sement (doncas avant maduretat complèta levat se se vol recuperar las granas per la sason segenta) e las cogordas avant las primièras geladas. Talhar la camba a 5–6 cm de la basa del fruch.

La conservacion de las cogordas gaireben aisida permet una comercializacion fins a la prima. Se la deu servar en luòc frecs e vigilar de temps en temps. Son sensiblas als tusts e las manipular amb precaucion.

Malautiás e nosibles

• Asagar pas tròp lo sol e encra mens las fuèlhas per eviter l’oïdium.

• De bernats podon atacar las cogordas. se las podon alunhar en plantant prèp del plantolièr un repulsiu coma la menta, l'èrba dels cats o l'ulhet d'Índia.

Produccion

Produccion en tonas de cogordas. Chifres 2004-2005 Donadas de FAOSTAT (FAO) Basa de donadas de la FAO
	2004		2005
China	5 667 398	29 %	5 767 700	30 %
Índia	3 500 000	18 %	3 500 000	18 %
Ucraïna	1 023 200	5 %	1 072 000	5 %
Estats Units	815 320	4 %	861 870	4 %
Egipte	678 254	4 %	690 000	4 %
Mexic	535 000	3 %	560 000	3 %
Cuba	517 151	3 %	520 000	3 %
Iran	505 000	3 %	505 000	3 %
Itàlia	495 372	3 %	488 083	2 %
Sud-Africa	367 755	2 %	378 776	2 %
Turquia	374 000	2 %	376 000	2 %
Corèa del Sud	304 337	2 %	310 000	2 %
Espanha	300 000	2 %	300 000	2 %
Romania	290 832	2 %	300 000	2 %
Argentina	296 000	2 %	296 000	2 %
Autres païses	3 640 985	19 %	3 602 520	18 %
Total	19 310 604	100 %	19 527 949	100 %

Utilizacion

Cucurbita maxima

Pel gost, se reconéis d'aròmas de fruchs secs. La carn remenbra lo gost de la castanha.

Se consoma de totas mens: de la sopa al crosta, passant per las tartas, mas tanben coma pastas: la cogorda spaghetti que la carn filamentos paréis als spaghettis.

La cogorda es un legum paure en calorias que conven a totes los regimes alimentaris.

En grana es utilizada per sas proprietats vermifugas, prevenir las carias o equilibrar los acids grasses insaturats. En òli es utilizda per solatjar lo problèms benin de la prostata.