Colómbia Britanica
província de Canadà From Wikipedia, the free encyclopedia
Remove ads
La Colómbia Britanica o Colòmbia Britanica[3] (en anglés British Columbia; en francés Colombie-Britannique) es la província pus a l'oèst de Canadà, famosa per la beutat de sa natura, coma o exprimís sa devisa en latin, Splendor sine occasu ("Splendor sens luscre"). Foguèt la seisena província que se jonhèt a la Confederacion canadenca.
.jpg?lang=oc)
Sa capitala es Victòria, 15en region metropolitana de Canadà. La vila pus granda es Vancouver, tresen airal metropolitan de Canadà e segond de la region del Nòrd-oèst Pacific.
L'economia de la Colómbia Britanica es dinamica, es la quatrena província de Canadà en tèrmes de PIB[4]. Repausa principalament sus l'espleitacion forestièra, l'espleitacion minièra, l'industria cinematografica[5] e lo torisme. La Colómbia Britanica ten una de las zonas portuària pus importanta de la còsta Pacifica, que constituís una rota maritima majora.
Remove ads
Geografia
La Colómbia Britanica es la província pus occidentala de Canadà, long de la còsta Pacifica de Canadà. Ten una forma alongada orientada del sud-èst cap al nòrd-oèst. Sa part continentala es situada entre las latituds nòrd de 49 ° e de 60 ° (mas l'extremitat sud de l'illa de Vancouver es situada a 48 °18'), mentre que s'estend entre las longituds oèst de 114 ° e de 139 °. Las regions limitròfas son Alaska al nòrd-oèst, Yukon e los Territòris del Nòrd-Oèst al nòrd, l'Albèrta a l'est, e los Estats americans de Washington, Idaho e Montana al sud.
La província es majoritàriament dominada per de cadenas de montanhas globalement parallèles à l'axe nord–sud principal de la província, especialament las Rocosas canadencas, la cadena Costièra, la cadena de Cassiars e la cadena Colómbia. Aquelas montanhas cobèrtas de vastes bòsques se formèron i a de desenas de milions d'annadas durant de la subduccion de la placa oceanica jos la placa nòrdamericana.
Dins la part sud situada entre las cadenas montanhosas de l'Oèst e las de l'èst, se trapa un vast replanat, lo replanat Interior (Interior Plateau), mentre que lo canton nòrd-èst de la província es ocupat per de planas leugièrament onduladas dins lo prolongament de las grandas planas d'Albèrta e de Saskatchewan.
La còsta, fòrça montanhosa, es famosa per sos fjòrds nombrosas bordats de bòsques, que fan los paisatges espectacularis.
Remove ads
Referéncias
Wikiwand - on
Seamless Wikipedia browsing. On steroids.
Remove ads