Colejaire

Un colejaire (var. carrejaire, còlportaire, crofetaire, marchandon, marchandòt, pòrta-bala, traficant) es un marchand ambulant que transpòrta sas merças amb eu. Seguís generalament d'itineraris predeterminats en foncion de las sasons, dels territòris e dels eveniments comerciaus. Pòt èsser un professionau implicat tota l'annada dins lo comerci, mas l'activitat es sovent practicaa per d'obriers o de païsans sasoniers en quista d'un complement de revenguts. Los produchs venduts son variats (libres, textiles, remedis, coteus e aisinas, merçariá, estampas, etc.) e son de còps acompanhats de servicis (amolaire, empalhaire, vesença, etc.). Los colejaires son pereu un important vector de propagacion d'informacions entre las regions.

Colejaires dins los Aups vers 1900.

Lo mestier dispareissèc en Euròpa e dins los país desvolopats a partir de la Revolucion Industriala. Pasmens, es totjorn ben viu dins los país paures e pauc desvolopats.

Ligams internes

• Comerci.

Bibliografia

• (fr) Laurence Fontaine, Histoire du colportage, XVe – XIXe siècles, París, Éditions Albin Michel, 1993.