Dacita

La dacita es una ròca magmatica volcanica compausada de plagioclasis (ortòclasa, andesina), de qüars, de biotita e d'hornblenda. La preséncia de sanidina, de piroxèns, de magnetita, d'ilmenita, de titanita e de granats es possibla. A una estructura massisa ò fluidala constituïda de gruns fins. Es generalament de color gris.

Dacita porfirica (Califòrnia).

La dacita es una ròca relativament frequenta dins lei zònas volcanicas. Forma de coladas de lava corta e viscosa. De coladas piroclasticas pòdon tanben aver una composicion dacitica. A pauc d'utilizacions, mai pòu localament servir de materiaus de construccion.

Liames intèrnes

• Riodacita.
• Volcan.

Bibliografia

• (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.