Daufin d'Auvèrnha

Daufin d'Auvèrnha, Dalfi d'Alvernha en occitan ancian, èra comte de Clarmont e Montferrand, e trobador. Nasquèt cap a 1150 e defuntèt en 1234 o 1235. Èra lo filh de Guilhèm d'Auvèrnha, Comte de Clarmont, e de Joana de Calabra. Tenguèt una cort literària amb fòrça trobadors dedins la vila de Montferrand.

Daufin d'Auvèrnha

Nom	(pro) Dalfi d'Alvernha (oc) Daufin d'Auvèrnha
Biografia
Naissença	1150 (Gregorian)
Mòrt	23 de març de 1234  (83/84 ans)
Donadas personalas
Activitat
Ocupacion	Trobador e compositor
Autres
Títol	Comte d'Alvèrnia (ca)
Conjunt	NN (en)
Descendéncia	Guillem IX (ca)
Maire	Marquise d'Albon (fr)
Paire	Guillem IX d'Alvèrnia (ca)
Parents	Robèrt d'Auvèrnha (cosin)

Dalfin d'Alvèrnha.

Esposèt Guilhaumeta de Combòrn, comtessa de Montferrand, filha d'Archambaud, Vescomte de Combòrn, e de Jordana de Peirigòrd. Aguèron quatre enfants: Aelis, Guilhèm, Blanca e Alix.

Entre los trobadors que cantèron amb el o a sa cort trobam: Peiròl, Perdigon, Pèire de Maensac, Gaucelm Faidit, e Uc de Sant Circ; son cosin, l'avesque Robèrt de Clarmont, escambièt de verses satirics e erotics amb el, tot coma Richard Còr de Leon. Un partiment entre Dalfin e Perdigon marquèt una estapa dins lo debat poetic, iniciat per Guilhèm de Sant Leidier e représ per Azalaís de Porcairaguas e Rambaud d'Aurenja, subre la question de saupre se una dòna es desonorada quora causís un aimant pus ric qu'ela. Una tenson sul meteis subjècte foguèt compausada per Guiraut de Bornelh e lo rei Anfós II d'Aragon.

Portal d'Auvèrnhe

Portal del trobar e dels trobadors