Devoluí

Devoluí^[1][2][3] o Devoruí^[2], benlèu Devolui^[4][5] (Devoului^[6], Devouri en grafia mistralenca alpenca e Devoulun en grafia mistralenca rodanenca; Devoloi en occitan ancian^[7]; Dévoluy en francés), es un parçan d'Occitània^[8] situat dins lo Daufinat (e tanben en Provença), dins los Aups.

Non confondre amb Devoluí (comuna).

Vista dau massís de Devolui

Dempuèi 2013 quatre comunas daus Auts Aups an fusionat dins una comuna tanben apelaa Devolui.

Lo gentilici es devoluard -a.

Devolui es delimitat a l'oèst per lo Grand Ferrand, al nòrd per l'Obio e lo Gicon, a l'èst per la montanha de Faraut e al sud per lo pic de Bure. Òm pòt i accedir per lo pas dau Festre (al sud), lo pas dau Noguièr (a l'èst, barrat en ivèrn) e per l'estrech de la Soloise (al nòrd) per loqual s'escola la ribièira eponima vèrs lo lac artificial de Sautet e lo Drac, al limit amb lo departament d'Isèra.

Le ponch culminant de la vau es la Granda Testa d'Obio (2 789 m).