Douro

Douro^[1] (en portugués) o Duero^[1] (en espanhòl) es lo flume màger del nòrd-oèst de la peninsula Iberica. Nais sul versant del pic d'Urbión, a 2160 m. s.n.m.,^[2][3] travèrsa lo planòl de Castelha e Leon, entra en Portugal ont desboca dins l'ocean Atlantic, prèp de Porto. Ten una longor de mai de 890 km,^[4] que 212 son navegables dins lo territòri portugués e 112 a caractèr internacional.

Douro
Douro dins la vila de Porto.
Caracteristicas
Longor	940 km
Bacin	97 290 km2
Bacin collector	Douro
Debit mejan	443 m3⋅s-1 (a la boca)
Riu
Font	Picos de Urbión
· Altitud	2 160 m
· Coordenadas	42° 00′ 25″ N, 2° 52′ 51″ O
Embocadura	Ocean Atlantic
· Localizacion	Porto
· Coordenadas	41° 08′ 43″ N, 2° 52′ 51″ O
Geografia
Afluents principals
· Riba drecha	Arandilla, Esla, Hornija, Pisuerga, Sabor, Tâmega, Valderaduey
Païses traversats	Espanha Portugal

Reculhís las aigas de la part nòrd de Meseta. Son bacin es limitat pels monts Cantabrics al nòrd, pel sistèma Central al sud e per la cadena Iberica a l'èst. Los afluents mai importants en territòri espanhòl son Pisuerga, Esla, Tera, Valderaduey e Tormes; en Portugal recep Côa, Tua, Sabor, Corgo, Tavora,Tâmega, Balsemão e Sousa.

Entre las ciutats banhadas per Douro cal notar: Sòria, Almazán, Aranda de Douro, Tordesillas e Zamora (en Espanha), e Miranda do Douro (en lenga mirandesa: Miranda d'I Douro), Foz-Coa, Pesi da Régua Lamego, Vila Nòva de Gaia e Porto (en Portugal). L'UNESCO designèt lo 14 de decembre de 2001 la region viticòla de l'Aut Douro (45° 68' N, 5° 93' O) Patrimòni Mondial de l'Umanitat, dins la categoria païsatge cultural.^[5]

Galariá

• 
  La font de Douro
• 
  Douro (vinhal)
• 
  Douro prèp de la seuna embocadura a Porto