Dura
From Wikipedia, the free encyclopedia
Remove ads
Dura es una aiga lengadociana, situada dins le departament d'Aude e la region d'Occitània, ancianament de Lengadòc-Rosselhon. Dura es un afluent de riba esquèrra de Rojana (o puslèu d'Alzau), ela meteissa afluenta de Fresquèl, donc un sos-afluent d'Aude. En realitat Rojana seriá un autre nom d'Alzau, justament l'aiga que passa a Alzau.
Remove ads
Geografia
La font de Dura es dins la Montanha Negra, sul penjal meridional del pic de Montaud, dins la comuna de La Prada, a 875 m d'altitud, dins le departament d'Aude. Travèrsa le lac de La Prada. A Montoliu, encontra Alzau a 149 m d'altitud, e ensemble fòrman Rojana, que s'escampa dins Fresquèl, afluent d'Aude. I a un autre biais d'explicar l'afar : Rojana sembla le nom modèrne del cors inferior d'Alzau (le vilatge d'Alzau es sus Rojana) e donc se pòt dire que Dura es un afluent d'Alzau.
La longor de Dura es de 26.9 km [1].
Remove ads
Toponimia
Las fòrmas ancianas son : Fluvium Duranum en 815, Duranum en 854, Fluvium Duranni en 906, Durandum en 1027, Aquae de Dura en 1308, La ribiera apelade Dura en 1410 [2]. Es un nom aparentat a l'ancian nom de Dordonha, Dūrānios, qu'èra benlèu « la lama d'acièr » (basat sus *dūro-, « acièr, fèrre », en referéncia a la color o metafòra guerrièra, non se sap [3]. Duranum > Durano > Duran > *Dura(n) passèt a Dura per reculament d'accent, fenomèn frequent dins le departament d'Aude.
Remove ads
Comunas traversadas
Sonque dins le departament d'Aude, Dura travèrsa uèit comunas de l'amont cap a l'aval, La Prada (font), Les Martins, Caudabronda, Cucçac de Cabardés, Fontiès Cabardés, Brossas e Vilaret, Sant Danís, Montoliu (jonhent) [1].
Véser tanben
Ligams extèrnes
Notas
Wikiwand - on
Seamless Wikipedia browsing. On steroids.
Remove ads