Dust Bowl

Lo Dust Bowl (« bacin de posca ») foguèt une seria de tempèstas de posca que provoquèron una catastròfa ecologica e agricòla dins los ans 1930 als Estats Units d'America, especialament dins una region entre Oklahoma, Kansas e Tèxas. Òm nomena lo periòde correspondent los Dusty Thirties.

Aquelas tempèstas de posca foguèron provocadas per des praticas agricòlas mecanizadas en zona arida que favorizèron l'erosion eoliana. Combinadas a tres periòdes de secada excepcionala (1934, 1936 e 1939-1940), aqueles metòdes degalhèron gravament l'agricultura de las pradas americanas e canadianas. D'unas regions de las Nautas Planas coneguèron entrò uèit ans de secada.

Lo fenomèn s'es apondut a las consequéncias de la Granda Depression, après lo Crac de 1929, e a l'exòdi rural provocat per l'usatge massís de l'agricultura mecanizada sus d'expleitacions agricòlas de granda talha.