Economia de Paraguai

Paraguai, país sens litoral amb una granda economia informala, se destaca per la reexportacion de bens de consum als sieus vesins, e mai per l'activitat de pichonas e microentrepresas e de vendeires urbans. Una part considerabla de la siá populacion viu de l'agricultura, sovent sonque per sa subsisténcia. Lo revengut per cap estagna al nivèl de 1980.^[1].

Economia de Paraguai
Moneda	Guarani (moneda)
Organizacions comercialas	OMC, Mercosur (sospendit), Unasur
Estadisticas[1]
PIB	USD 41,1 miliards (2012)
Reng PIB	101ena granda[2]
Creissença del PIB	-0,5% (2012)
PIB per càpita	6 100 (2012)
PIB per sector	agricultura 19,8%, industria 19,4%, servicis 60,8% (2012)
Inflacion	4,6%(2012)
IDH	cap d'informacions
Populacion jol lindal de pauretat	34,7% (2010)
Fòrça de trabalh	3 137 000 (2012)
Fòrça de trabalh per ocupacion	agricultura 26,5%, industria 18,5%, servicis 55% (2008)
Caumatge	6,9% (2012)
Partenaris comercials[1]
Expòrts	4,7 miliards (2012)
Sòcis principals	Uruguai 15%, Brasil 11,4%, Argentina 10,2%, Chile 8,3%, Russia 6,6%, Païses Basses 5,4%, Alemanha 4,3% (2011)
Impòrts	9,7 miliards (2012)
Sòcis principals	Brasil 27,5%, Republica Populara de China 16,9%, Estats Units 15%, Argentina 14,8%, Chile 4,4% (2011)
Finanças publicas[1]
Deute extèrne	2 245 milions (2012)
Revenguts	USD cap d'informacions
Despensas	5 122 milions (2012)

A causa de l'extension del sector informal, d'informacions economicas precisas son de mal obténer. Las activitats agricòlas e d'elevairas, comercialas e de servicis son predominantas. Lo sector industrial es pas encara fòrça desvolopat, e se basa principalament en lo tractament de bens agricòlas e elevairas. Lo país es lo 6^en productor mondial de sòja^[1].

L'economia cresquèt rapidament entre 2003 e 2008, a causa de la creissença de la demanda combinada amb l'auça dels prèses dels produchs primaris, ajudada per de condicions climaticas favorablas. Malgrat aiçò, una secada al començament de 2008 redusiguèt las exportacions de produchs agricòlas abans la recession globala. A causa de la reduccion de las exportacions, l'economia sofriguèt una casuda de 3,5% lo 2009. Lo govèrn reaccionèt a travèrs de mesuras d'estimulacion fiscala e monetària. La corrupcion, la manca de reformas d'estructuras, lo deute exterior e interior substancial, e las infrastructuras deficientas son d'obstacles a la creissença a tèrme long^[1].