Elx

Elx^[3] (en valencian: Elx,^[4] AFI: ['ɛltʃ]; en espanhòl: Elche), oficialament Elche/Elx,^[5][6] es una vila espanhòla situada dins la província d'Alacant, al País Valencian.

Elx

(Escut d'armas)
Administracion
Capitala	Elx
Capitala de	Baix Vinalopó
Lenga oficiala	catalan (predomeni lingüistic)
Politica
• Cònsol màger	Pablo Ruz Villanueva (2023–)
Geografia
38° 16′ 01″ N, 0° 41′ 54″ O
Estat	Espanha
Comunautat autonòma	País Valencian
Província	Alacant
Superfícia	326 100 000 m²
Altitud mejana	86 m
Fus orari	UTC+01:00 (ora estandard)[1] UTC+02:00 (ora d'estiu)[1]
Demografia
• Totala	243 128[2] ab. (2024 )
• Densitat	745,56 ab./km²
Istòria
Pairinatge	Agatàngel de Roma e Assompcion de Maria
Autras informacions
Còdi postal	03201–03208, 03293, 03139, 03194–03195, 03290–03296 e 03320
Prefix telefonic	966 y 965
Sit web	elche.es

Geografia

Elx abriga d'espacis d'una granda valor ecologica, que l'Hondo, lo Pargue Natural Municipal del Clot de Galvany e lo Pargue Natural Las Salinas. S'i pòt passejar e trobar d'observatòris d'aucèls e un Centre d'interpretacion.

La Palmièra

Article detalhat: Palmièra d'Elx.

La Palmièra d'Elx es sus la lista del Patrimòni Mondial de l'UNESCO dempuèi 2000, es una granda estenduda de palmièrs que se tròba en plen centre de la vila. Es la palmièra pus granda d'Euròpa, pus espandida que qualques palmièras arabias. La palmièra es compausada de mai de dos cents mila palmièrs. Se ditz que son les Cartagineses que trobèron dins aquelas tèrras de la còsta mediterranèa espanhòla un luòc propici a aquela cultura. L'espècia principala de la palmièra es lo Phoenix dactylifera, menat pels musulmans quand ocupavan la Peninsula Iberica.

L'Òrt del Curat

Los mai bèls palmièrs e los mai vièlhs se tròban dins l'Òrt del Curat. Son nom ven de son ancian proprietari de 1918. Qualques subjèctes an mai de 300 ans. Cal saber qu'un palmièr pòt viure de 250 a 300 ans. Aqueles palmièrs son de la meteissa espècia qu'aqueles d'Iran. Son de palmièrs datilièrs e fructifican en decembre. Existisson tanben d'autras espècias tropicalas.

Situats dins l'Òrt, sèt pès enòrmes forman coma un candelièr que recep lo nom de Palmièr Imperial en onor a l'imperatriz Elisabeth de Wittelsbach, que visitèt lo jardin en 1894 e declarèt qu'èran digne d'un empèri.