Enfantesa

L'enfantesa (tanben enfància^[1] o mainatgesa^[2]) es lo primièr periòde la vida umana cap a l'adolescéncia, qu'inclutz lo desvelopament fisic e mental de l'èsser uman; generalament se considera sa durada entre la naissença e l'inici de la pubertat.^[3][4]

Enfants en Afganistan

Es una etapa durant la quala la persona deu gaudir d'una proteccion especiala, coma indicat dins la Convencion suls dreits de l'enfant. Pasmens, aquesta concepcion non es universala ni mai a sempre existit dins l’istòria, coma o mòstra lo fait del trabalh infantil, la mancança de referéncias pel desvolopament e per l’especificitat dels enfants dins l’Antiquitat. De fait, lo mot «infant» (lo que non parla) es una pròva clara del caractèr que li foguèt atribuit, una persona que non èra un adulte, encara en formacion.