Enric I de Rodés
From Wikipedia, the free encyclopedia
Remove ads
Enric I de Rodés (c.1175 - Tèrra Santa, 1221/2), de l'ostal de Milhau, èra un nòble e trobador occitan. Èra comte de Rodés e vescomte de Carlat de 1208 fins a 1221 o 1222, l'an probable da sa mòrt.
Remove ads
Biografia
Èra lo filh e successor d'Uc II, comte de Rodés e vescomte de Carlat, e de Bertranda d'Amalon.[1].
Casèt en 1212 amb Algaieta d'Escoralha, senhora de Benavent, Vic e Marmiesse. De son matrimòni nasquèron tres enfants conegutsː[2],[1]
- Guisa/Guida de Rodés, probablament l'ainada, esposa lo baron Ponç de Montlaur, senhor de Posquiera e de Càstrias.[2],[3]
- Uc IV (1212 - † 1274), que devendrà comte de Rodés.
- Guibèrt de Rodés, senhor de Vic, Marmiesse e Escoralha.
Al començament de la Crosada albigesa, dès de 1209, prenguèt lo costat del comte de Tolosa e s'opausèt a la crosada. Pasmens, en 1214, l'evesque de Rodés cridèt Simon de Montfòrt, lo menaire de la crosada, a Roergue e Enric se sometèt. Perque aviá pagat de mercenaris per combatre la croada, lo legat papal Robert de Couçon deguèt s'expropriar sas tèrras, mas Montfòrt l'aculhiguèt coma vassal. Enric I de Rodés jurèt leialtat a Simon de Montfòrt lo 7 de novembre de 1214. Après la mort de Montfòrt en 1218, reconeguèt son filh Amauric coma lo nòu senhor.[4]
En 1219 anoncièt sa participacion a la Cinquena Crosada[2]. Lo 29 de junh de 1219, present dins lo camp del prince Loís VIII pendent lo sètge de Tolosa, daissèt l'administracion de sas tèrras a l'avesque de Rodés pendent son abséncia, probablement perque son filh ainat èra encara menor d'edat.[5]
Tomba malaut a Acre e redigís en octobre de 1221 un codicille a son testament.[2] Moriguèt d'aquela malautiá vèrs 1222, totjorn pendent la Cinquena Crosada.[1]
- Mapa de la feudalitat francesa en 1180
- Mapa de la Cinquena Crosada.
Remove ads
Trobador
Enric de Rodés èra tanben un trobador. De son òbra an subreviscut dos partiments amb Uc de Sant Circ.[6] Un d'eles es N'Ugo, vostre semblan digatz[7] (185.2=457.24).[8]
Sa filha Guisa casèt amb lo trobador provençal Ponç de Montlaur.
Fonts
Veire tanben
Wikiwand - on
Seamless Wikipedia browsing. On steroids.
Remove ads