Estivada

L'Estivada de Rodés es un festenal estival (en general cap a la mitat de julhet) de musica que foguèt creat en 1995. A capitat d'obtenir un public important (quasi 100 000 mila personas en 2012) e de venir una referéncia dins los eveniments occitans. A una durada de gaireben una setmana e acampa fòrça musicians e grops. Es tanben l'escasença gràcias als sieus estands nombroses (83 en 2007) de crompar tota mena de produches, de se sarrar a la varietat gastronomica occitana e de ne saber mai sus la cultura e lenga occitanas. Aqueste eveniment es agrementat d'animacions per carrièra. Existís un prèmi Estivada que recompensa un roman en occitan.

Estivada
Luòc	Rodés, Avairon
Coordenadas geograficas	44° 21′ 02″ nòrd, 2° 34′ 30″ èst
Periòde	Estiu
Scènas	+ de 10
Capacitat	35000
Data de creacion	1995
Direccion	Patric Rós (fins a 2015)
Collaboracions	Comuna de Rodés
Site web	https://estivada.eu/

Entre 2016 e 2022, lo festenal foguèt bailejat per la comuna de Rodés.

En 2023, lo conse de Rodés Christian Teyssèdre anóncia que lo festenal, que tòrna nomenar F'estivada, serà pas pus de cultura occitana. Un collectiu Gardarem l'Estivada se mobiliza lèu per assajar de manténer un festenal occitan a Rodés. L'associacion La Gardarem es puèi creada, e lo festenal tòrna en julhet de 2024 jol nom de Nov'Estivada, a Sebasac, prèp de Rodés, amb l'ambicion de tornar far viure aquel festenal màger dins lo paisatge cultural occitan^[1].

Vejatz tanben

Article connèxe

• Rodés