Estructura cristallina

En cristallografia, l'estructura cristallina d'un material descrit l'arrengament ordonat dels atòms, ions o moleculas que se repetís periodicament dins las tres dimensions jos l'efièch de las operacions de simetria del grop d'espaci d'un cristal^[1]. Talas estructuras ordonadas resultan de proprietats intrinsècas de las espècias quimicas constitussent los materials cristallizats. Son estudi es un aspècte fondamental de nombroses domenis de la sciéncia e de la tecnologia.

Estructura blenda de l'esfalerita ZnS, de malha cubica de fàcias centradas.

Esfalerita de Naica, en Chihuahua (Mexic). L'estructura cristallina determina los plans de clivatge e donc la forma dels cristals.

Lo pus pichon grop de particulas formant l'unitat periodicament repetida d'un material constituís sa malha cristallina. Sos vectors de translacion dins las tres dimensions definisson los noses de la ret de Bravais : la nòrma a, b e c d'aqueles vectors e l'angle α, β e γ que forman entre eles constituisson los paramètres de malha del cristal ; lo nombre d'unitats de formula per malha es notat Z e completa la descripcion.

L'estructura cristallina d'un material e sas simetrias jògan un ròtle determinent dins nombrosas propriétats fisicas coma los plans de clivatge, l'estructura de bendas electronicas e la transparéncia optica. Es entièrament descriuta per la posicion de sas espècias qulmicas dins la malha de cristal, sos paramètres de malha, sa ret de Bravais e son grop d'espaci, tant d'informacions represas dins los fichièrs informatics al format CIF. Existís 230 grops d'espaci susceptibles de descriure las simetrias d'arraengament tridimensional de particulas en e ret.

1. . https://plassmat.cnrs-imn.fr/..