Frank Costello

Frank Costello (26 de genier de 1891, Lauropoli - 18 de febrier de 1973, Nòva York), naissut Francesco Castiglia, es un important mafiós italoestatsunidenc de Nòva York. Foguèc capo di tutti capi de 1946 a 1957.

Frank Costello en 1951.

Amic e associat de figuras importantas de la màfia nòvayorkesa coma Lucky Luciano (1897-1962), Vito Genovese (1897-1967) o Meyer Lansky (1902-1983), participèc a la guerra dels Castellammarese (1931). Consigliere de la Familha Luciano, desvolopèc lo trafec de machinas de jogar monea. Prenguèc la direccion dels afaires de la familha après l'arrestacion de Lucky Luciano en 1936 e venguèc capo di tutti capi en 1946. Partisan del mantenenement de la patz entre las diferentas organizacions criminalas de la vila, favorizèc las discussions entre los chefs del crime organizat e lo desvolopament de la corrupcion al sen de l'administracion. Aqueu periòde es ansin considerat coma l'apogeu de la màfia nòvayorkesa.

En 1957, Costello foguèc nafrat durant un atac organizat per Vito Genovese, desirós de prendre sa plaça. Las, Costello negocièc sa retiraa e laissèc la direccion de son organizacion a Genovese. Pasmens, participèc amb Luciano e Lansky a l'organizacion de l'eschambi d'eroïna que permetèc a las autoritats estatsunidencas d'arrestar Genovese en 1959.

Liames intèrnes

• 'Cosa nostra.
• Màfia.

Bibliografia