Fronda

Una fronda (var. fonda^[1]) es una arma de trach individuala, constituïda d'una pòcha prolongada a cada extremitat per de correjas, utilizada per mandar de projectils (calhaus, bilhas de plomb, etc.). Benlèu inventada durant lo Paleolitic Superior, es una arma utilizada per la caça e la guèrra dins lo monde entier franc d'Austràlia. Lei modèls pus sofisticats avián una portada de 400 m. Pasmens, en realitat, la màger part dei frondas èran utilizadas per tirar a de distàncias pus cortas, generalament quauquei desenaus de mètres. Per l'utilizaire, lo tiraire plaça lo projectil dins la pòcha, li dona un movement de rotacion e libèra lo projectil a un moment precís en foncion de l'objectiu visat. Leis efiechs obtenguts èran variables, mai lei frondas militaras pus poderosas èran capablas de traucar lei cascos dei legionaris romans. L'utilizacion de la fronda declinèt amb l'aparicion deis armas de fuòc e dispareguèt dins lo corrent dau sègle XIX. Uei, es limitada a de practicas esportivas ò tradicionalas.

Fronda modèrna.

Liames intèrnes

• Arma de trach.

Bibliografia

• (en) Robert Dohrenwend, « The Sling. Forgotten Firepower of Antiquity », Journal of Asian Martial Arts, vol. 11, n° 2, 2002, pp. 28–49.
• (en) Robert et Gigi York, Slings and Slingstones, The Forgotten Weapons of Oceania and the Americas, The Kent State University Press, 2011.