Frontièra (conquista de l'Oèst)

La frontièra (frontier en anglés) es la linha marcant la zona limita de l'implantacion de las populacions d'origina europèa dins lo contèxte de la conquista de l'Oèst. Es un dels concèptes istorics màger dels Estats Units.

Reconstitucion d'una cabana de pionièr dins un musèu d'Indiana.

Definicion e desvolopament

Evolucion territoriala dels Estats Units.

Lo mot Frontier foguèt manlevat al francés pels anglofòns al sègle XV e aviá la significacion francesa de frontière, siá la region d'un país que confronta un autre país. L'utilizacion del mot frontier designant « una region a las cofinhas d'un territòri civilizat » es una accepcion nòrd-americana. Designa doncas mai un front pionièr qu'una frontièra tala qu'òm l'entend generalament. Son existéncia jogèt un ròtle fòrça important dins l'istòria e l'imaginari american aital coma dins la quita construccion de la societat e de l'identitat americana. Aital, de John Ford a John Wayne, es lo subjècte de nombroses westerns lirics, rodats dins las annadas 1960.