Western

Lo western es un genre cinematografic definit per l'American Film Institute coma de filmes que se debanan dins l'oèst american e qu'incarnan l'esperit, la lucha e la desaparicion de la novèla frontièra ^[1].. Generalament l'accion se situa sus la frontièra americana entre la ronçada cap a l'aur en Califòrnia de 1849 e la tancadura de la frontièra en 1890. Aquel sosgenre de filmes istorics apareguèt tre l'invencion del cinematograf en 1895 prenent per subjècte la conquista de l'oèst. Los filmes western derivèron dels espectacles del Far West nomenats Wild West Shows, le tèrme abreujat « Western » venguèt descriure lo genre. Lo filme mut, The Great Train Robbery (1903) es sovent considerat coma lo primièr del genre. Los westerns foguèron un genre màger pendent l'èra del mut (1894-1929) e contunhèron de se ganhar en popularitat pendent l'èra del parlant (après 1929). Se coneguèron l'apogèu als Estats Units al mitan del sègle XX amb l'atge d'aur dels studios hollywoodians, abans d'èsser reinventat pels cineasts europèus dins las annadas 1960.

Lo cow-boy, personatge emblematic del western.