Gaujac (Astarac)

Gaujac qu'ei ua anciana comuna d’Astarac,^[1] en Gasconha (Occitània). Uei qu’ei dens la comuna de Sent Arroman, administrada preu departament de Gers, on i a tanben un aute Gaujac, en Savés, qui ei enqüera ua comuna.

Pels articles omonims, vejatz Gaujac.

Istòria

En 1790, Gaujac qu’ei dens lo canton de Masseuva e lo district de Miranda deu departament d’Armanhac o de Gers. N’ei pas dens la lista de las parròquias a la creacion deu departament,^[2] on i a sonque Sent Arroman e Clarenç.

En 1801, Gaujac (Gaujeac) qu’èra deu canton de Masseuva dens lo cinquau arrondiment comunau deu departament de Gers (Miranda).^[3],[4] Lo son nom revolucionari dat preu sit Cassini, Cazaux-Républicain,^[1] n’ei pas atestat dens l'estat civiu. Qu’ei ua error, pr’amor qu’èra lo nom revolucionari de l’aute Gaujac de Gers.^[5] En 1822, la comuna de Gaujac qu'estó reünida a Sent Arroman.^[6],[1] En 1824, ua ordonnança que destaca la section de Gaujac de Sent Arroman ende la reünir a La Garda e Haishan.^[7] Be sembla totun qui Gaujac e sia demorat ua part de Sent Arroman: ei classada atau aus archius departamentaus.

Geografia

Lo territòri de la comuna qu'ei mau definit. Totun que's pòt pensar qui correspon au sud-oèst de la comuna actuau de Sent Arroman. La glèisa de Sent Victor^[8] qu'ei dens la seccion cadastrau B, "La Hita".^[9] Las autes seccions que corresponden a Lenveja (seccion A), Sent Arroman (seccion C) e Clarenç (seccion D).

Demografia

Evolucion demografica - Comuna de Gaujac (1793-1822)[1]
1793	1800	1806	1821
230	211	238	256

Nòtas