George Vancouver

George Vancouver (King's Lynn, Anglatèrra, 22 de junh de 1757 – Petersham, Anglatèrra, 10 de mai de 1798) foguèt un navegador britanic, oficièr de la Royal Navy, conegut per son exploracion de la còsta Pacifica al ras de çò qu'es uèi la província canadenca de la Colómbia Britanica e dels estats americans d'Oregon, de Washington e d'Alaska. Explorèt tanben las illas d'Hawaii e la còsta sud d'Austràlia.

La vila de Vancouver e l'illa de Vancouver en Canadà foguèron batejadas en son onor.