Gorg de l'Uèlh Dotz

From Wikipedia, the free encyclopedia

Gorg de l'Uèlh Dotz
Remove ads

Lo gorg de l'Uèlh Dotz es una dolina o cenòte situat sus la comuna de Fluris dins lo massís de la Clapa, e lo departament d'Aude. Es constituit de nautas parets calcàrias (40 m) e verdejantas que dominan l'estenduda d'aiga verda esmerauda.

Thumb
Gorg de l'Uèlh Dotz.

Istòria

L'aiga de l'avenc es salabrosa: la salinitat, mas tanben lo nivèl, vàrian amb la pluviometria e los movements de la mar (distant de sonque 1 500 mètres). La prigondor es de 15m mai o mens sus un fons de blòcs rocoses. Las exploracions nombrosas an pas mostrat cap de sortida de galariá penetrabla.

La legenda de l'Uèlh Dotz (tautologia constituida d'uèlh e dotz, font) conta que divèrses vaissèls aurián ensajat de penetrar dins la tuta de l'avenc per'mor de determinar lo luòc ont l'uèlh posa dins la mar, mas cap de las embarcacions partidas n'es pas jamai tornada. Aital, la font de la Uèlh Dotz rèsta totjorn indeterminada

Remove ads

Luòc protegit

Per i accedir, cal estacionar lo veïcul siá al parcatge del Domeni de l'Ostalet e seguir lo camin pedestre cap al corral, siá al parcatge del gorg situat a la rota que va de Fluris a Sant Pèire de Mar.

Los banhs, en aquel luòc protegit (zòna de conservatòri del litoral), i son enebits perque son perilhoses.[1] Totun, aquelas nòrmas pas totjorn son seguidas e fòrça personas s'i banhan e i cabusson.[2][3]

Remove ads

Galariá fotografica

Thumb
Vista panoramica del gorg
Thumb
Vista del gorg de l'Uèlh Dotz al massís de la Clapa

Film

Lo gorg de l'Uèlh Dotz apareis al film Lo Gojat de tempèsta, de Jérôme Foulon filmat l'an 1996.

Nòtas e de referéncias

Vejatz tanben

Loading related searches...

Wikiwand - on

Seamless Wikipedia browsing. On steroids.

Remove ads