Grand Site dels Dos Caps

Lo Grand Site dels Dos Caps es un site natural protegit francés situat sus la còsta d'Opale, de cara al Reialme Unit.

Lo cap Blanc-Nez, la Marga e la plaja d’Escalles.

Deu son nom als caps Gris-Nez e Blanc-Nez, dos ensembles de bauces que constituïsson los punts del litoral francés mai pròches d'Anglatèrra.

Lo site es un dels mai emblematics del pargue natural regional dels caps e paluns d'Opale, e un dels mai atractius del nòrd de França (2,5 milions de visitaires per an^[1]).

Geografia

Situacion

Lo site se tròba sus la còsta d'Opale, entre las vilas de Bolonha de Mar e de Calais.

S'espandís sus 8 comunas, de Wimereux a Sangatte, siá 23 km de faciada litorala :

• Wimereux
• Ambleteuse
• Audresselles
• Audinghen
• Tardinghen
• Wissant
• Escalles
• Sangatte

Es inclús dins lo pargue natural regional dels Caps e Paluns d'Opale.

Arrondiments

• Lo cap Gris-Nez e lo Petit Blanc-Nez son dins l'arrondiment de Bolonha de Mar.
• Lo cap Blanc-Nez es dins l'arrondiment de Calais.

Paisatge

Las dunas de la Slack entre Ambleteuse e Wimereux.

Lo site dels Dos Caps es compausat d'un vast mitan dunari de Wimereux a Audresselles, dins la baia de Wissant e a Sangatte.

Lo paisatge interior es obèrt, leugièrament valonat e dominat pels camps.

Ecologia

Es una importanta zòna de passatge pels aucèls migrators. 5 sites son classats Natura 2000.