Grop prostetic

Un grop prostetic es lo compausant non aminoacidic que fa partida de l'estructura de qualques proteïnas e que se tròba fòrtament jonhut a la rèsta de la molecula. Las proteïnas amb grop prostetic recebon lo nom d'eteroproteïnas (o proteïnas conjugadas). I a d'enzims que son de proteïnas conjugadas; se tracta d'enzims que requerisson qualque cofactor (metallic o organic) e aqueste se tròba ligat amb fòrça de manièra permanenta en l'estructura moleculara. S'un cofactor enzimatic (metallic o organic) se jonh sonque a l'enzim pendent la catalisi se considèra pas coma un grop prostetic.

Lista de grops prostetics

Grop prostetic	Foncion	Distribucion
Flavin mononucleotid [1]	Reaccions redox	Bactèris, Archaea e eucariòtas
Flavin adenina dinucleotid [1]	Reaccions redox	Bactèris, Archaea e eucariòtas
Pirroloquinolina quinona [2]	Reaccions Redox	Bactèris
Fosfat de piridoxal [3]	Transaminacion, descarboxilacion e desaminacion	Bactèris, Archaea e eucariòtas
Biotina [4]	Carboxilacion	Bactèris, Archaea e eucariòtas
Metilcobalamina [5]	Metilacion e isomerizacion	Bactèris, Archaea e eucariòtas
Pirofosfat de tiamina [6]	Descarboxilacion	Bactèris, Archaea e eucariòtas
Hem [7]	Reaccions redox	Bactèris, Archaea e eucariòtas
Molibdopterina [8][9]	Reaccions d'oxigenacion	Bactèris, Archaea e eucariòtas
Acid lipoïc [10]	Reaccions redox	Bactèris, Archaea e eucariòtas