Gàllia Aquitània

La Gàllia Aquitània foguèt una de las tres províncias romanas (amb Belgica e la Gàllia lionesa) creadas per August en 27 ab. J.-C. Lo territòri confrontava las províncias de la Gàllia lionesa, la Gàllia Narbonesa, e la Tarraconesa.

Pels articles omonims, vejatz Aquitània.

Gàllia Aquitània.

Aquitània dens l'empèri roman.

Províncias romanas en França actuau.

Administracion

La Gàllia aquitània èra una província imperiala romana. Sa capitala foguèt a de reng:

• Mediolanum Santonum (Sentas), de sa creacion entrò la fin del sègle Ièr ;
• Burdigala (Bordèu), tre lo començament del sègle III, qu'èra ja dempuèi 48 un municipi de dreit latin.

Se sap pas quala vila foguèt capitala de la Gàllia aquitània al sègle II: foguèt benlèu Sentas, puèi Bordèu. Una autra ipotèsi possibla seriá Lemonum (Peitieus). Pasmens d'après l'istoriografia recenta, aquela ipotèsi sembla mens probabla.^[1]