Iri-Hor

Iri-Hor (tanben apelat coma Ro por Flinders Petrie) foguèt un faraon predinastic de l'Ancian Egipte e encara aué divèrses arqueològs dobtan de la sieuna existencia reala. ^[1] Probablament foguèt lo monarca que i aguèt abans de Ka e governèt en Abidòs. Foguèt enterrat en lo cementèri local aprèp d'autres caps posteriors. ^[2] Los documents que l'identifican son ben paucs e foguèron trobats solament en lo sieu tombèl. ^[3] En 2012 foguèt descobert en Sinai una inscripcion que confirmèt la sieuna existencia. ^[4]

Los egiptològs d'aué encara discutisson se'l faraon Iri-Hor foguèt real o solament un mite de l'ancian Egipte predinastic.

Flinders Petrie, a l'inici del sègle XXen, descorbriguèt un tombèl aperat B1/B2. ^[5] Aici foguèron trobats qualqu'ns otís de ceramica amb serekhs o sagèls ieroglifs qu'èran plan ancians e qu'aué an estat identificats com los de Ro. Totun, qu'encara aué son en discussion pr'amor que d'autres dison que èran d'Iry-Hor o tanben de Hor. ^[6] Aqueste tombèl foguèt excavat un autre còp per l'Institut Arqueologic Alemanh e dirigit per Gunter Dreyer.

Iri-Hor auriá regnat pendent 3200 a.C. e dinc a 3175 a.C. ^[7] e divèrses egiptològs dison que coma foguèt enterrat en Abidòs, es possible que i aja per aquò una confusion amb Horus Ro, ^[8] un rei mai que probable de Tinis, en lo Naut Egipte. Foguèt probable que, pendent lo regne de Ro, Tinis conquistèsse Naqara, e qu'après aquò se desvolopèsse un mite que parlava de la victoria d'Horus contra Seth. Foguèt succedit per Ka.