Illa de la Ciutat

L’illa de la Ciutat es una illa de Sèina situada au centre de París. Centre d'una vila importanta tre lo periòde roman, venguèt un luòc de passatge fortificat dau fluvi durant lo periòde carolingian. Demorèt lo centre l'aglomeracion parisenca durant l'Edat Mejana. Lo palais reiau, lo mercat, la catedrala (Sant Estève puei Nòstra Dòna), l'evescat e divèrsei santuaris i foguèron bastits. Pasmens, l'illa perdiguèt pauc a cha pauc son importància amb lo desvolopament de l'aglomeracion parisenca e lo desplaçament dau palais reiau au Lovre. Demorèt un centre administratiu e judiciari. Durant lo Segond Empèri, lo baron Hausmann destruguèt plusors edificis ancians per modernizar lo teissut urban, construrre lo Palais de Justícia sus lei rèstas dau palais reiau, bastir la Prefectura de polícia e amainatjar la plaça de Nòstra Dòna. Aquò entraïnèt una baissa importanta dau nombre d'abitants dins l'illa car la màger part de l'abitat foguèt remplaçat per de bastiments administratius.

Fotografia aeriana de l'illa de la Ciutat (au sud) e de l'illa Sant Loís (au nòrd).

Liames intèrnes

• Illa Sant Loís.
• París.

Bibliografia

• (fr) Danielle Chadych e Dominique Leborgne, Atlas de Paris : Évolution d'un paysage urbain, París, Éditions Parigramme, 2007, 200 p.
• (fr) Philippe Lorentz e Dany Sandron, Atlas de Paris au Moyen Âge : espace urbain, habitat, société, religion, lieux de pouvoir, París, Éditions Parigramme, 2006, 200 p.