Jòrdi Ensergueix

Jòrdi Ensergueix (en francés: Georges Charles Ensergueix; Fois, 11 d'agost de 1947 - 17 de març de 1996), qu'utilizèt l'escais Jòrdi Deledar, foguèt un mètge e lingüista occitan. Parallèlament a son trabalh de mètge a Sant Guironç, s'èra especializat dins la coneissença e divulgacion dels parlars occitans del país d’Arièja, subretot las varietats gasconas.

Aital foguèt l’autor d'una pichòta gramatica L’occitan parlé en Ariège (1992) amb l'escais Jòrdi Deledar qu'escriguèt amb Patrici Pojada, e tanben de la Grammaire des parlers occitans en Couserans. Postumament Patrici Pojada faguèt publicar en 2003 son Atlas linguistique de l’Ariège per l'IEO d'Arièja, fondamentat sus las fonadas de l'enquèsta Sacasa.

Membre de l’Institut d’Estudis Occitans e collaborador d'Estudis occitans e de Ligam-Digam, son activisme occitanista foguèt a la basa de l'escritura en occitan de l'escrivan mondin Raimond Guiraud, que venguèt mai tard l'autor de divèrses romans policièrs.

Òbras

• L'occitan parlé en Ariège (1992), escrich amb Patrici Pojada.
• Grammaire des parlers occitans en Couserans (1995), reelaborat e reeditat en 2012 per Patrici Pojada e Camilha Bilhac-Lassalle.
• Atlas linguistique de l'Ariège (2003, òbra postuma)