Jacme Allièras

Jacme Allièras (en francés: Jacques Allières; Tolosa, 9 de novembre de 1929 - Sant Gaudenç, 31 d'agost de 2000) foguèt un lingüista, romanista e escrivan occitan.

Especializat en etnolingüistica, sa contribucion mai importanta en occitan foguèt sa participacion a l'Atlas linguistique et ethnographique de la Gascogne amassa amb Joan Seguí e Xavièr Ravièr, qu'i estudièt d'a fons la morfologia verbala gascona. Dins lo domeni basc, foguèt un precursor dins l'analisi dels documents de l'enquèsta Sacasa que ne publiquèt una part dins Via Domitia en 1961. Estudièt tanben la part basca de l'enquèsta de Bourciez en 1978 e publiquèt l'an seguent un manual per aprendre lo basc. En 1984, l'Euskaltzaindia, l'acadèmia basca, lo nomenèt professor onorari de lenga basca.

A la fin de sa vida, en 2000, aguèt tot bèl just lo temps d'acabar un manual de lingüistica que malastrosament poguèt pas veire publicat.

Òbras

A prepaus de l'occitan

• Formation et structure de l'occitan ancien amb Joan Loís Massora (2005)
• Les parlers couserannais amb Joan Loís Massora (2006)

A prepaus del basc

• Les Basques. Que sais-je ? (1977)
• Los Vascos (1978)
• Manuel pratique de basque (1979)

A prepaus del francés

• La formation de la langue française (1988)

Lingüistica europèa=

• Les langues de l'Europe (2000)
• Manuel de linguistique romane (postum, 2001)